Ажәабжьқәа

Популярное

Аҧсны иқәынхо ажәларқәа ркультурақәа реизааигәахара иадҳәалоу аусура азы Аиқәшаҳаҭра анапаҵыҩра мҩаҧысит

71
12.09.2017 13:34
Аҧсны иқәынхо ажәларқәа ркультурақәа реизааигәахара иадҳәалоу аусура азы Аиқәшаҳаҭра анапаҵыҩра мҩаҧысит
Аҧсны жәлар рҟазара Ареспубликатә Центри Ареспубликатә Уаажәларратә Еиҿкаара “Русская диаспора Абхазии” аусеицуразы аиқәшаҳаҭра рыбжьарҵеит.

Аҟәа. Цәыббрамза 12. Аҧсныпресс. Аҟәа ақалақь аҿы акультуреи аҭоурыхтә-культуратә ҭынхақәа рыхьчара Аминистрра иатәу, Иван Кортуа ихьӡ зху Аҧсны жәлар рҟазара Ареспубликатә Центри Ареспубликатә Уаажәларратә Еиҿкаара “Русская диаспора Абхазии” рыбжьара аусеицуразы Аиқәшаҳаҭра анапаҵыҩра мҩаҧысит. Аусшәҟәы рнапы аҵарҩит Аҧсны жәлар рҟазара Ареспубликатә Центр анаҧхгаҩы Нури Кәарҷиеи Ареспубликатә Уаажәларратә Еиҿкаара “Русская диаспора Абхазии” ахантәаҩы Роман Риазанцеви. Абри азы адырраҭара ҟанаҵоит Иван Кортуа ихьӡ зху Аҧсны жәлар рҟазара Ареспубликатә Центр анаҧхгараҭара.  Нури Кәарҷиа ишазгәеиҭаз ала, иахьазы ари аусшәҟәы, Аҧсны иқәынхо еиуеиҧшым ажәларқәа рмилаҭтә культурақәа реимадареи реизыҟазаашьақәеи рырҕәҕәара иазырханы знапы аҵаҩу раҧхьаӡатәи Еиқәшаҳаҭраны иҟоуп. 

Убри аан, Роман Риазанцев иазгәеиҭеит: “Аиқәшаҳаҭра ҳазхылҵыз ҳабацәеи ҳабдуцәеи иныҟәыргоз акультура, ақьабз, атрадициақәа, асахьаркыратә ҟазара, уҳәа ихьчаны еиҵагыло абиҧара рызнагара алыршара арманшәалоит. Уи даара хра злоу усуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа