Ажәабжьқәа

Популярное

Аҧсны иқәынхо аерманцәа реилазаара: Ҳара Аҧсадгьыл аизҳазыҕьара иазырханы аҟазаара азы милаҭрацәала еилоу Аҧсны жәлар аҿаҧхьа ишьҭаҳҵаз аҭоуба, ламысцқьала инаҳагӡоит

1182
11.05.2018 13:26
Аҧсны иқәынхо аерманцәа реилазаара: Ҳара Аҧсадгьыл аизҳазыҕьара иазырханы аҟазаара азы милаҭрацәала еилоу Аҧсны жәлар аҿаҧхьа ишьҭаҳҵаз аҭоуба, ламысцқьала инаҳагӡоит
Аҧсны Аҳәынҭқарра иқәынхо аерманцәа Реилазаара аҳәамҭа аланарҵәеит.

Аҟәа. Лаҵарамза 11. Аҧсныпресс. Аҧсны Аҳәынҭқарра иқәынхо аерманцәа Реилазаара, Ермантәыла аҧыза-министр ҿыц Никол Пашиниан аҧсуа жәлар рмилаҭ-хақәиҭратә қәҧара аерманцәа ахьадгылаз дақәыӡбеит ҳәа еиуеиҧшым ақырҭуа массатә информациатә хархәагақәа рҿы ицәырҵуа иалагаз  аматериалқәа рганахьала аҳәамҭа аланарҵәеит. “Аус аҿы ареспублика аҿы аҩныҵҟатәи аполитикатә ҭагылазаашьа ашьақәҟьара иазырханы, ҷыдала иазҧхьагәаҭоу акциа аҭыҧ амоуп. Ермантәыла Анаҧхгара ахада апубликациаҿы дшаарҧшу атәымацара зыҧсоузеи?! Авторцәа хықәкыла уи ихьӡ еицаркит, ақырҭуа бызшәа еиҳа иазааигәатәны, “Николиа Пашиани” ҳәа ианҵаны. Ермантәыла аофициалтә мчқәа иахәҭоу ахҳәаа аҟаҵара рылшап ҳәа агәыҕра ҳамоуп, – ҳәа иазгәаҭоуп аҳәамҭа аҿы.  

Аерманцәа 1992-1993 шш. рзы Аҧсны Аџьынџьтәылатәи еибашьра ралахәра аганахьала Аҧсны иқәынхо аерманцәа Реилазаара ахаҭарнакцәа инаҵшьны иазгәарҭеит: “Ҳара, џьоукы рхаҿы аагара шраҭәаршьо еиҧш, қьырала инкылоу уааӡам, ҳара Ҳаҧсадгьыли, ҳаҩнқәеи ҳҭаацәеи ҳахьчон, уи хатәгәаҧхарала , идырны инагӡоу хымҩаҧгашьоуп. Аҧсны жәлар рықәҧара аиаша иазкын, Аҧсны ампыҵахаларазы иааз Қырҭтәылатәи аҳәынҭсовет аруаа рҿагылареи рықәгареи рҿы иҳалшаз алагала ду ҳазгәдууп”.

“Иахьа ихьыҧшым Аҧсны амчратә структурақәа рҿы милаҭла иермацәоу хыҧхьаӡара рацәала асолдатцәеи афицарцәеи арратә маҵзура иахысуеит. Ҳара Аҧсадгьыл аизҳазыҕьара иазырханы аҟазаара азы милаҭрацәала еилоу Аҧсны жәлар аҿаҧхьа ишьҭаҳҵаз аҭоуба ламысцқьала инаҳагӡоит. Ианаҭахха аамҭазгьы, ҩаҧхьа Аҧсадгьыл ахьчаразы агылара ҳазхиоуп.

Ишәгәалаҳаршәар ахәҭоуп ҳәа иҳаҧхьаӡоит, жәабранмза, 2018 шықәса рзы амаршал Баграмиан ихьӡ зху абаталион аиубилеи инарҭбааны иазгәарҭон. Усҟан, аныҳәатә хәылҧазы аҿы дықәгылеит Аҧсны Аҳәынҭқарра Ахада Рауль Ҳаџьымба. Иахьа ҳара ҳажәлар Аџьынџьтәылатәи еибашьра аҿы Аиааира агара Амш 25-шықәса ахыҵра азгәаҭара рҽазыҟарҵоит. Ари ажәлар зегьы еицызгәарҭо ныҳәа дууп. Уи Аҧсны иқәынхо ажәларқәа зегьы ракзаара ауп изыбзороу. Убри аҟнытә, уи ахыбгалара иазырхоу ақырҭуа массатә информациа ахархәагақәа  рҽазышәарақәа изаҟаразаалак акы иаҧсам”, – ҳәа иаҳәоит Аҧсны иқәынхо аерманцәа Реилазаара иаланарҵәаз аҳәамҭа аҿы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа