Ажәабжьқәа

Популярное

Аҧсны иҷыдоу аҭагылазаашьақәа рзы Аминистрра ҳаамҭазтәи ареанимациатә машьына ҳамҭас иаиуит

241
06.07.2018 13:34
Аҧсны иҷыдоу аҭагылазаашьақәа рзы Аминистрра ҳаамҭазтәи ареанимациатә машьына ҳамҭас иаиуит
Аҧсны иҷыдоу аҭагылазаашьақәа рзы Аминистрра Урыстәыла иҷыдоу аҭагылазаашьақәа рзы Аминистрра аҟынтәи ҳамҭас иаашьыҭыз ҳаамҭазтәи ареанимациатә машьына аиуит.

Аҟәа. Ҧхынгәымза 6. Аҧсныпрепсс. Аҧсеиқәырхаратә хылаҧшырҭа аганахьала Урыстәылатәи Афедерациа Аҧсны агуманитартә цхыраара аҭара аҳәаақәа ирҭагӡаны, Аҧсны иҷыдоу аҭагылазаашьақәа рзы Аминистрра Урыстәыла иҷыдоу аҭагылазаашьақәа рзы Аминистрра аҟынтәи ҳаамҭазтәи ареанимациатә машьына ҳамҭас иаҭан. Амашьына аҭара иадҳәалаз ацеремониа рхы аладырхәит аҧыза-министр ихаҭыҧуаҩ Асҭамыр Кецба, агәабзиарахьчара аминистр Ҭамаз Цахнакиа, Аҧсны иҟоу Урыстәылатәи Афедерациа Ацҳаражәҳәарҭеи Урыстәылатәи Афедерациа иҷыдоу аҭагылазаашьақәа рзы Аминистрреи рхаҭарнакцәа. Абри азы адырра ҟанаҵоит ахылаҧшырҭа аофициалтә саит.

Урыстәылатәи Афедерациа иҷыдоу аҭагылазаашьақәа Рминистрра иатәу аотриад “ЦентроСпас” аҳақьым хада Александр Попов адырра ҟаиҵеит: “Ари амикроавтобус “Мерседес” ашьаҭала иҟаҵоу, иреиҳаӡоу “С” акласс иаҵанакуа ареанимациатә машьыноуп. Уи ааха ҕәҕәа зауз рыиагара иазкуп. 

Убри аан , Аҧсны агәабзиарахьчара аминистр Ҭамаз Цахнакиа иазгәеиҭеит: “Амашьына иахәҭоу, технологиала зыҩаӡара акыр иҳараку аиқәыршәагақәа рыла еибыҭоуп. Уи ала зықәра наӡоу реиҧш, ҿыц ииз аҧшқақәагьы рыиагара ҟалоит. Аминистр иажәақәа рыла, ачымазаҩ ииагараан, аамҭак ала уи амедицинатә цхыраара иҭара азы алшара ҟалоит. Уи ачымазаҩ еиқәырхаразы аҳақьымцәа русура акыр иармариоит. 

Аҧсны иҷыдоу аҭагылазаашьақәа рзы аминистр Лев Кәыҵниа ишазгәеиҭаз ала, ари аҳамҭа Аминистрра адагьы, иара аҳәынҭқарра азыҳәангьы ҳамҭа дууп. Иара убас аминистр иҟаиҵаз адыррақәа рыла, Аҧсны иҷыдоу аҭагылазаашьақәа рзы Аминистрреи агәабзиарахьчара Аминистрреи асанитартә авиациа амаҵзура аҧҵара азҧхьагәаҭаны ирымоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа