Ажәабжьқәа

Аҧсны иҷыдоу аҭагылазаашьақәа рзы Аминистрра аҟны амедицинатә Усбарҭа еиҿкаахоит

171
26.02.2019 14:39
Аҧсны иҷыдоу аҭагылазаашьақәа рзы Аминистрра аҟны амедицинатә Усбарҭа еиҿкаахоит
Абри азы имҩаҧгаз абрифинг аҿы адырра ҟаиҵеит Иҷыдоу аҭагылазаашьақәа рзы аминистр Лев Кәыҵниа.

Аҟәа. Жәабранмза 26. Аҧсныпресс. Лана Ҵәыџьҧҳа. Аҧсны иҷыдоу аҭагылазаашьақәа рзы аминистр Лев Кәыҵниа имҩаҧигаз абрифинг аҿы Москва ақалақь ахь иусуратә ҭаара алҵшәақәа ртәы еиҭеиҳәеит. 

Аминистр иҟаиҵаз адыррақәа рыла, аусуратә ҭаара аҳәаақәа ирҭагӡаны зыӡбара алыршаз азҵаарақәа рҟынтәи зегьы раасҭа ихаданы иҟаз Аҧсны иҷыдоу аҭагылазаашьақәа рзы Аминистрра аҟны амедицинатә Усбарҭа аҧҵара азҵаара ауп. Иарбоу Аусбарҭа иамазар ахәҭоуп асанитартә авиациа, акатастрофақәа рмедицина амаҵзура, анаҩс-ареабилитациатә центргьы уахь инацҵаны. “Урыстәылатәи Афедерациа агәабзиарахьчара Аминистрра аҿы имҩаҧысыз аиҧылара рхы аладырхәит агәабзиарахьчара аминистр ихаҭыҧуаҩ, жәларбжьаратәи аусура азы агәабзиарахьчара Аминистрра Адепартамент ахаҭарнак, акатастрофақәа рмедицина Амаҵзура анапхгаҩы. Урыстәылатәи Афедерациа агәабзиарахьчара Аминистрреи ҳареи анапхгарабжьаратәи аиқәшаҳаҭра анапаҵыҩра азҧхьагәаҭаны иҳамоуп”, – ҳәа еиҭеиҳәеит Лев Кәыҵниа. 

Лев Кәыҵниа иажәақәа рыла, иҷыдоу аҭагылазаашьақәа рзы Аминистрра амедицинатә авиациа аҧҵара иазырхоу аусура хацнаркхьеит. “Ҳара ҵәиҧрыгак ҳамоуп, аха уи макьаназы раҧхьатәи амедицинатә цхырара аҭара азы иахәҭоу маругала ирхиам. Москва имҩаҧысыз аиҧылара аҿы ари азҵаарагьы шьҭыхын. Лассы иарбоу ахырхарҭала ацхыраара ҳарҭар ҟалоит. Асанитартә авиациа ахықәкы хада – иҷыдоу аҭагылазаашьа аныҟала азы, Аҧсны акәакьқәа зегьы рҟынтәи  ааха зауз ауаа Аҧсны ахәышәтәырҭақәа зегьы рҟынӡа еиҧш, уи анҭыҵгьы рнагара алыршара ауп”, – ҳәа алкаа ҟаиҵеит Лев Кәыҵниа.

Иара убас, аминистр иҟаиҵаз адыррақәа рыла, адлертәи аҳаиртә баҕәазаҟа аусуратә ҭаареи, уи анапхгара рҧылареи мҩаҧган: “Иарбоу аус аиҿкааразы иахәҭоу ауснагӡатәқәа зегьы ҳрылацәажәеит. Урҭ ҳадкылара иазхиоуп, аха аҽазыҟаҵара аганахьала иӡбатәқәоу зҵаарақәак ыҟоуп. Агәра ганы сыҟоуп аамҭа кьаҿ иалагӡаны аҧышәаратә ҽазышәара қәҿиарала ишымҩаҧгахо ала”, – ҳәа иҳәеит Лев Кәыҵниа.

Убри аан, аминистр иажәақәа рыла, Урыстәылатәи акатастрофақәа рмедицина Амаҵзура агәабзиарахьчара асистема иахәҭакны иҟоуп. “Убас ала, ҳагәҭакқәа ҳзынагӡар, уи ҳтәыла агәабзиарахьчара Аминистрра азгьы ицхыраагӡа духоит”, – ҳәа инаҵшьны иазгәеиҭеит Лев Кәыҵниа.      

Лев Кәыҵниа ареабилитациатә центр аҧҵара инарҭбааны далацәажәеит: “Ас еиҧш Аусбарҭа аҿы ареабилитациа ахысра рылшоит Аминистрра аусзуҩцәа рыдагьы, Аҧсны ауааҧсыреи, Урыстәыла атәылауааи”.

Лев Кәыҵниа уаҵәы алҵшәа аиуразы, аусбарҭа ҿыц аҧҵара иадҳәалоу аусура аамҭа мгакәа иалагатәуп ҳәа инаҵшьны иазгәеиҭеит. Убас, хара имгакәа  иҷыдоу аҭагылазаашьақәа рзы Аминистрра иласу амедицинатә цхыраара азы амашьынақәа аиураны иҟоуп. “Ҳара иазҧхьагәаҭаны ишҳамоу ала, арҭ амашьынақәа Аҟәа, Очамчыра, Гәдоуҭа ақалақьқәа рҿы иргылахоит. Аоперативра аҭахыуп. Иара убас ахәыҷтәы реанимобиль ҳамазар ахәҭоуп”, – ҳәа адырра ҟаиҵеит Лев Кәыҵниа. 

Убри аан, излауа ала иаарласны иӡбатәу азҵаарақәагьы ыҟоуп. Уи – афинанстәреи акадрқәа рыла аиқәыршәареи ирыдҳәалоу азҵаарақәа роуп. Убри азы амедицинатә Усбарҭа аҿы аус зураны иҟоу аҧснытәи аспециалистцәа Урыстәыла амедицинатә ҵараиурҭақәа рҿы иахәҭоу азыҟаҵара иахыслоит.

Лев Кәыҵниа иҟаиҵаз адыррақәа рыла, Аҧсны иҷыдоу аҭагылазаашьақәа рзы Аминистрра аҟны еиҿкаахо амедицинатә Усбарҭа напхгаҩыс дҟалоит агәабзиарахьчара ҧыхьатәи аминистр Анӡор Гоов.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа