Ажәабжьқәа

Популярное

Аҧсны иҷыдоу аҭагылазаашьақәа рзы Аминистрра – 12 шықәса ахыҵит!

295
04.07.2018 15:00
Аҧсны иҷыдоу аҭагылазаашьақәа рзы Аминистрра – 12 шықәса ахыҵит!
Аҧсны иҷыдоу аҭагылазаашьақәа рзы Аминистрра аҧҵара ҟалеижьҭеи 12 шықәса аҵра азгәарҭоит.

Аҟәа. Ҧхынгәымза 12. Аҧсныпресс. Дамеи Касланӡиа. Москватәи акультура-усуратә Центр “Москва Аҩны” аконференц-зал аҿы, Аҧсны Иҷыдоу аҭагылазаашьақәа рзы Аминистрра аҧҵара амш 12 шықәса ахыҵра иазкны аныҳәатә еилатәара мҩаҧысит. Аусмҩаҧгатә рхы аладырхәит Аҧсны аҧыза-министр ихаҭыҧуаҩ Асҭамыр Кецба, Аҧсны иҟоу аҷыдалкаатә зинмчы змоу Урыстәылатәи Афедерациа Ацҳаражәҳәаҩ Алексеи Двинианин, Аҧсны ашәарҭадара Ахеилак Амаӡаныҟәгаҩ Маҳамад Кьылба, атәыла аҩныҵҟатәи аусқәа рминистр Гарри Аршба. Аҧсны Иҷыдоу аҭагылазаашьақәа Рминистрра аусзуҩцәа рзанааҭныҳәа рыдырныҳәаларц азы Урыстәылатәи Афедерациа, Приднестровтәи Молдавтәи Ареспублика, Аахыҵ Уаҧстәылатәи Ареспублика аҟынтәи асасцәа ааит.



Аныҳәатә еилатәара аартуа, иҷыдоу аҭагылазаашьақәа рзы аминистр Лев Кәыҵниа ахылаҧшырҭа аусзуҩцәа рзанааҭтә ныҳәа рыдиныҳәалеит: “Ҳара аибашьра ашьҭахь ҳусура ҳаналагоз, даара ауадаҩрақәа рацәан. Техникала аиқәыршәара маҷын, аусзуҩцәагьы ҳацәмаҷын. Сара саҧхьа ахылаҧшырҭа иахагылаз ишьҭарҵаз аусуратә уасхыр азы ҭабуп ҳәа расҳәарц сҭахуп, уи иақәныҟәаны ҳусуҩцәа иахьагьы аус руеит.  Ҳусура ауадаҩрақәагьы рыдагьы, имаҷымкәа ашәарҭарагьы ацуп, аӡәырҩы рзанааҭтә уалҧшьа анагӡара рыҧсҭазаара ақәырҵеит. 12 шықәса ирҭагӡоу аусура ашықәсқәа ирылагӡаны, ҳара иҳаҧхеит 6-ҩык ҳҩызцәа. Иахьа иҷыдоу аҭыгылазаашьақәа рзы Аминистрра иаду аҭакҧхықәра хьыӡла-ҧшала инанагӡоит”.

Асҭамыр Кецба Аҧсны Анаҧхгара ахьӡала адныҳәаларатә шәҟәы даҧхьеит. Уи атекст аҿы ахәҭакахьала иазгәаҭоуп: “Аҧсеиқәырхаратә маҵзура –ари иҷыдоу аҭагылазаашьақәа рыхҟьаҧҟьақәа ирласны аӡбара иазку иҕәҕәоу системоуп. Ианаҧҵаз амш инаркны иахьа уажәраанӡагьы иҷыдоу аҭагылазаашьақәа Рминистрра аусзуҩцәа Аҧсны ажәлар ршәарҭадара ахьчараҿы игылоуп.  Аусзуҩцәа зегьы аӡәк еиҧш еидгыланы, гәык-ҧсык ала ирыду аҭакҧхықәра нарыгӡоит”.

Убри аан, аҧыза-министр ихаҭыҧуаҩ ихаҭагьы иазгәеиҭеит: “12 шықәса ирылагӡаны Шәара аихьӡара дуқәа аашәырҧшхьеит. Ишәзеигьысшьар сҭахуп  иуадаҩу аҭагылазаашьақәа рырҽеира аан аманшәалареи, хра злоу алҵшәақәа раарҧшреи”.  

Аҧсны иҷылоу аҭагылазаашьақәа рзы Аминистрра аусзуҩцәа дрыдныҳәалеит Алексеи Двинианин: “Хаҭала сара, исымоу аҭагылазаашьа схы иархәаны, аҧснытәи аиқәырхаҩцәа иуадаҩу аҭагылазаашьа иақәшәо урыстәылатәи ауааҧсыреи атуристцәеи реиқәырхаразы ҭабуп ҳәа расҳәар сҭахуп. Ари аиашазы даара иуадаҩу, хацәнымырхала инанагӡахо уалҧшьоуп. Уи Урыстәылатәи Афедерациа аганахьала аџьшьара ду иаҧсоуп”.



Ауаажәларратә хьчареи, иҷыдоу аҭагылазаашьақәеи, амшцәгьақәа рыхҟьаҧҟьақәа рықәгареи рзы Аахыҵ Уаҧстәылатәи Ареспублика аминистр ихаҭыҧуаҩ Алан Захаров Аҧсны иҷыдоу аҭагылазаашьақәа рзы Аминистрра аусзуҩцәа дрыдныҳәало ақәҿиарақәеи аизҳазыҕьареи рзеиҕьаишьеит.



Аныҳәатә еилатәара аҳәаақәа ирҭагӡаны, Аҧсны иҷыдоу аҭагылазаашьақәа рзы Аминистрреи Приднестровтәи Молдавтәи Ареспублика аҩныҵҟатәи аусқәа Рминистрреи иҷыдоу аҭагылазаашьақәа азаардырреи, аҽазыҟаҵареи, ахҟьаҧҟьақәа рықәгареи рганахьала аусеицура азы Аиқәшаҳаҭра рыбжьарҵеит.



Аганқәа агәаларшәагатә ҳамҭақәа еимырдеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа