Ажәабжьқәа

Аҧсны иҷыдоу аҭагылазаашьақәа Рминистрра аусзуҩцәа Аҟәатәи автомобилтә џьармыкьа аҿы арадиациатә шәарақәа мҩаҧыргеит

73
11.07.2019 15:24
Аҧсны иҷыдоу аҭагылазаашьақәа Рминистрра аусзуҩцәа Аҟәатәи автомобилтә џьармыкьа аҿы арадиациатә шәарақәа мҩаҧыргеит
Ари аусмҩаҧгатә амашьынарныҟәцаҩцәа рзыҳәамҭақәеи атәыла Анапхгара анапынҵеи инарықәыршәаны имҩаҧгахеит.

Аҟәа. Ҧхынгәымза 11. Аҧсныпресс. Дырмит Басариа. Хыҧхьаӡара рацәала амашьынарныҟәцаҩцәа рзыҳәамҭақәеи, атәыла Анапхгара анапынҵеи инарықәыршәаны, Аҧсны иҷыдоу аҭагылазаашьақәа Рминистрра аусзуҩцәа Аҟәатәи автомобилтә џьармыкьа аҿы арадиациатә шәарақәа мҩаҧыргеит. Абри атәы аанацҳауеит Аҧсны иҷыдоу аҭагылазаашьақәа Рминистрра апресс-маҵзура.

Аҧсны иҷыдоу аҭагылазаашьақәа Рминистрра апресс-маҵзура аҿы иҳарҭаз адыррақәа рыла, амониторинг атәыла анҭыҵтәи иаагахо амашьынақәа ррадиациатә фон инамаданы амашьынарныҟәцаҩцәа рыбжьара ицәырҵыз ацәажәарақәа ирыхҟьаны имҩаҧган. Зыӡбахә рымаз еиҳарак 2011 шықәсазы иҟалаз ацунами ашьҭахь Иапониантәи иаагаз, еиуеиҧшым аҭыжьыҩцәа рмашьынақәа роуп. Усҟан, ишдыру еиҧш, атомтә станциа Фукусима иҟалаз авариа иахҟьаны арадиациа аршәра аҭыҧ аиуит.

Аҧсны иҷыдоу аҭагылазаашьақәа Рминистрра аҿы аус зуа ахимик-адозиметрист Ольга Пустоварова абас еиҧш адыррақәа ҟалҵеит: “Иҭаҳҵаауаз амашьынақәа зегьы рааигәа-сигәа иҟоу арадиациатә фон анорма иақәшәоит. Адозиметрқәа рҿы иҟоу адатчикқәа рыла изеиҧшразаалак анорма арадиациатә фон аизырҳара ҳәа иалымкаахеит”.

Амашьынақәа руак зтәу Саида Ҭарба лажәақәа рыла, Иапониантәи иаауа амашьынақәа арадиактивра азы хынтә агәаҭара иахысуеит. Актәи – Иапониа, аукцион аҿы иқәдыргылаанӡа, аҩбатәи – Новороссииск амшынбаҕәазаҿы, урыстәылатәи аҳазылхыҩцәа рыла, ахҧатәи – аҧсуа-аурыс ҳәаа аҿы.

Аҧсны иҷыдоу аҭагылазаашьақәа Рминистрра апресс-маҵзура аҿы иара убас, дарбанызаалак амашьынарныҟәцаҩ имашьына арадиациатә фон агәаҭаразы ахылаҧшырҭа ахь дадҵаларц ҟалоит ҳәа  инаҵшьны иазгәарҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа