Ажәабжьқәа

Популярное

Аҧсны иҷыдоу аҭагылазаашьақәа Рминистрра аобиектқәа рҿы иазҧхьагәаҭаз арзҩыдатәра мҩаҧнагоит

85
31.03.2020 23:00
Аҧсны иҷыдоу аҭагылазаашьақәа Рминистрра аобиектқәа рҿы иазҧхьагәаҭаз арзҩыдатәра мҩаҧнагоит
Арзҩыдатәра мҩаҧган Аҧсни-Урыстәылеи ирыбжьоу аҳәынҭқарратә ҳәаа аҿы, иара убас Гәдоуҭеи Гали араионқәа рҿы.

Аҟәа. Хәажәкырамза 31. Аҧныпресс. Аҧсны иҷыдоу аҭагылазаашьақәа Рминистрра аусзуҩцәа аобиектқәа рҿы иазҧхьагәаҭаз арзҩыдатәра мҩаҧыргоит. Абри атәы аанацҳауеит Ахылаҧшырҭа апресс-маҵзура.

Ахәҭакахьала, арзҩыдатәратә усмҩаҧгатәқәа нагӡан Аҧсни Урыстәылеи ирыбжьоу аҳәынҭқарратә ҳәаа аушьҭра-гәаҭаратә ҧыҧшырҭа “Ҧсоу” аҟны, иара убас, аҳабла Ҵандрыҧшь иҟоу амцарцәаҩцәа рыхәҭа аҭыҧ аҿы. Аҧсеиқәырхаҩцәа иара убас иарбоу асанитартә усмҩаҧгатә мҩаҧыргеит Гәдоуҭатәи ахәашәтәырҭа хада аҿы, гәдоуҭатәи аинфекциатә хәышәтәырҭа аҿы, гәдоуҭатәи амцарцәаратә хәҭа аҭыҧ аҿы, Гәдоуҭа араион Ахадара ахыбреи, аҩныҵҟатәи аусқәа араионтә ҟәша ахыбреи рҿы. 

Гагра араион аҿы арзҩыдатәра амҩаҧгаразы Иҷыдоу аҭагылазаашьақәа Рминистрра аусзуҩцәа рхы иадырхәеит ақыҭанхамҩатә техника. Ахәҭакахьала, зыцыҧхьаӡа 2 000 литра ҭагӡо ҩ-тракторк “Белорусь”.

Арзҩыдатәра иара убас имҩаҧган Гал араион Ахадара ахыбреи, араионтә хәышәтәырҭеи, ирласу амедицинатә цхыраара ахыбреи, аҧтекақәа, акультура Аҩны, иара убас аҳәынҭавтоинспекциа астационартә ҧыҧшырҭа “Канал” аҿы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа