Ажәабжьқәа

Популярное

Аҧсны иҟоу Аладатәи Арратә Округ иатәу 5-нызқьҩык инарзынаҧшуа аруаа акомпиутертә зыҟаҵагақәа рыла аҵара иахысит

173
11.01.2017 11:49
Аҧсны иҟоу Аладатәи Арратә Округ иатәу 5-нызқьҩык инарзынаҧшуа аруаа акомпиутертә зыҟаҵагақәа рыла аҵара иахысит
Акомпиутертә зыҟаҵагақәа ирымоу алшарақәа ирыбзоураны азыҟаҵаҩцәа аҵара иахысуа рыгхақәа рыҧшаареи рырҽеиреи, аҭагылазаашьа аҭышәынтәалареи рзыманшәалахоит.

Аҟәа. Ажьырныҳәа 11. Аҧсныпресс. Аҧсны иҟоу Аладатәи Арратә Округ иатәу аруаа иҳаҩсыз ашықәс иалагӡаны, ҳаамҭа иақәшәо акомпиутертә зыҟаҵагақәа рыла аҵара иахысуан. Абри атәы аанацҳауеит Аҧсны иҟоу Аладатәи Арратә Округ апресс-маҵзура.

Арратә базаҿы ахархәара рымоуп 10 инарзынаҧшуа еиуеиҧшым азыҟаҵагақәа, даҽакала иуҳәозар, атанкқәа Т-90А аекепажқәа, еиҭаҵуа аракетатә-зениттә комплексқәа (ПЗРК) “Игла”, автоматқәа АК-74 амотохысыҩцәа, напылатәи агранатаршәгақәа РПГ-7, уҳәа убас егьырҭ аибашьыгақәа рхысыҩцәа азыҟазҵо ахархәагақәа.

Ҳазҭалаз ашықәс алагара инаркны иарбоу арратә база аҟынтәи 5-нызқьҩык инарзынаҧшуа аруаа акомпиутертә зыҟаҵагақәа рыла аҵара иахысит. Иарбоу азыҟаҵагақәа ирзаҧҵоу апрограмматә еиқәыршәара аҵаратә усмҩаҧгатә ахьымҩаҧысуа араион, агеографиатәи аклиматтәи ҟазшьақәеи еиуеиҧшым ашықәс аамҭақәеи амши аҵхи, аҳауа аҧхарреи, уҳәа ҳасаб азуны авиртуалтә ҭагылазаашьа шьақәнаргылоит.

Ҳаамҭа иақәшәо акомпиутортә зыҟаҵагақәа рхархәара ирыбзоураны, аџьаҧҳани абылтәи-ахьшьтәи аматериалқәа рныхра ада аруаа рырратә зыҟаҵара аҩаӡара аизырҳара алыршахоит.

Акомпиутертә зыҟаҵагақәа ирымоу алшарақәа ирыбзоураны азыҟаҵаҩцәа аҵара иахысуа рыгхақәа рыҧшаареи рырҽеиреи, аҭагылазаашьа аҭышәынтәалареи рзыманшәалахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа