Ажәабжьқәа

Аҧсны ажурналистцәа Реидгыла 2019 шықәсазы иреиҕьу ажурналисттә усумҭа азы аконкурс амҩаҧгаразы алаҳәара ҟанаҵеит

59
17.04.2019 12:41
Аҧсны ажурналистцәа Реидгыла 2019 шықәсазы иреиҕьу ажурналисттә усумҭа азы аконкурс амҩаҧгаразы алаҳәара ҟанаҵеит
Аноминациақәа: “Ателехәаҧшра”, “Акьыҧхьтә ҭыжьымҭақәа”, “Арадиои аинформациатә маҵзурақәеи, аинтернеттә ҭыжьымҭақәеи” аҧҵоуп.

Аҟәа. Мшаҧымза 17. Аҧсныпресс. Аҧсны ажурналистцәа Реидгыла 2019 шықәсазы иреиҕьу ажурналисттә усумҭа азы аконкурс амҩаҧгаразы алаҳәара ҟанаҵеит. Аноминациақәа: “Ателехәаҧшра”, “Акьыҧхьтә ҭыжьымҭақәа”, “Арадиои аинформациатә маҵзурақәеи, аинтернеттә ҭыжьымҭақәеи” аҧҵоуп.

Аконкурс ахь ирыдыркылоит акьыҧхь ахь ицәырҵыз, аҧсуа, аурыс бызшәала иҩу, иара убас, арадиои ателехәаҧшреи рефир ахь инагаз ажурналисттә материалқәа. Еиуеиҧшым ажанрқәа рыла инагӡоу аматериалқәа рыдыркылоит.

Аконкурс рхы аладырхәыр рылшоит хаҭала ажурналистцәа реиҧш, арҿиаратә гәыҧқәеи. 


Аконкурс ахь инагахо аматериалқәа абарҭ аҟазшьақәа рныҧшуазар ахәҭоуп:
а) актуалра, ишьҭыххо апроблема зегьы зызҿлымҳау азҵаара аныҧшра;
б) апроблема инарҭбааны аартра, аргуметтәра;
в) апубликациа аилыххареи аилыккареи.

Аконкурс аиҿкааҩ – Аҧсны ажурналистцәа Реидгыла иаҧнаҵоит:

Аноминациа “Ателехәаҧшра” азы:
Актәи апремиа – 25 000 мааҭ;
Аҩбатәи апремиа – 20 000 мааҭ;
Ахҧатәи апремия – 15 000 мааҭ.
Аноминациа  “Акьыҧхьтә ҭыжьымҭақәа” рзы: 
Актәи апремиа – 15 000 мааҭ;
Аҩбатәи апремиа – 10 000 мааҭ.

Аноминациақәа “Арадио, аинтернеттә ҭыжьымҭақәа, аинформациатә  маҵзурақәа”азы:
Актәи апремиа – 15 000 мааҭ;
Аҩбатәи апремиа – 10 000 мааҭ.

Аконкурс аихшьаалақәа алырҵәахоит амассатә информациа ахархәагақәа рыла. Аконкурсттә усумҭақәа Аҧсны ажурналистцәа Реидгылара аҿы ирыдыркылоит ҧхынҷкәынмза 1, 2019 шықәса рҟынӡа. Убри аан, уи аконкурс алахәхаразы азыҳәамҭагьы ацзароуп. Аелектронттә массатә информациа ахархәагақәа русумҭақәа рыдгалара, аелектронттә дыррақәа рныҟәгагақәа рыла имҩаҧысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа