Ажәабжьқәа

Аҧсны атуристтә усхкы Астратегиа аиқәыршәара азы аҧшьгара ҟаҵоуп

73
14.05.2019 15:27
Аҧсны атуристтә усхкы Астратегиа аиқәыршәара азы аҧшьгара ҟаҵоуп
Аҧсны Ауаажәларратә Палата аҿы акурорттә аамҭахәҭа аҽазыҟаҵара аҩаӡара иалацәажәеит.

Аҟәа. Лаҵарамза 14. Аҧсныпресс. Дырмит Басариа. Аҧсны Ауаажәларратә Палата аҿы акурорттә аамҭахәҭа иазкны аилатәара мҩаҧысит. Аусмҩаҧгатә рхы аладырхәит апрофильтә Министррақәеи атуристтә бизнеси рхаҭарнакцәа.

Аҧсны акурортқәеи атуризми Рминистрра акурорттә-туристтә усхкы анализи азҧхьагәаҭареи рыҟәша аиҳабы Адамыр Мықәба акурорттә аамҭахәҭа аҽазыҟаҵаразы аҳасабырба ҟаиҵеит: “Акурорттә аамҭахәҭа ицәгьамкәа ихацыркхеит. Асасааирҭатә усхкы знапы алаку атуристцәа заанаҵы аҭыҧ аркаара шымҩаҧырго азгәарҭеит. Аекскурсиатә обиектқәа убасҵәҟьа русура хра злоу арбагақәа рыла иалагеит. 2018 шықәсазы, лаҵарамза раҧхьатәи 10-мыш рыла Афонҿыцтәи аҳаҧы 4 285-ҩык аҭаазҭгьы, ҳазҭоу 2019 шықәсазы – 7 902-ҩык аҭааит. Риҵатәи ареликттә милаҭтә парк 2018 шықәсазы, иарбоу аамҭахәҭазы иаҭааит 9 000-ҩык инарзынаҧшуа аҧсшьаҩцәа, 2019 шықәса,  аиҧшзеиҧшу аамҭахәҭазы – 16 500-ҩык аҧсшьаҩцәа.  Ас еиҧш астатистикатә рбагақәа рышьақәгылареи реизырҳареи рзы, имҩаҧырго атуристтә маҵзурақәа зегьы рхаҭабзиара ҷыдала ахшыҩзышьҭра аҭара ахәҭоуп. Исымоу аҭагылазаашьа схы иархәаны, есышықәса акурорттә аамҭахәҭа згәыҕрақәа адысҳәало атәыла ауааҧсыра рахь схы рханы, аҳәаанырцәтәи атуристцәа қәнагала рызныҟәара, асас даҕьқәа раҳасабала пату рықәҵареи, излауа ала иахәҭоу амаҵзура рыҭареи алдыршарц ааҧхьара ҟасҵоит. Лассы акурортқәеи атуризми Рминистрра аҿы уи иаҵанакуа ахылаҧшырҭақәа зегьы рхаҭарнакцәа алархәны аилатәара амҩаҧгара азҧхьагәаҭоуп. Акурорттә аамҭахәҭа аҽазыҟаҵаратә усмҩаҧгатәқәа рҕьырак хацыркуп. Ахәҭакахьала, акурорттә қалақьқәа рҿы амшын аҧшаҳәа иаҵанакуа аӡҭаларҭақәа рҿы арыцқьаратә усмҩаҧгатәқәа мҩаҧган, атуристтә усхкы аобектқәеи азеиҧш крыфарҭақәеи рҿы ишьақәырҕәҕәоу астандартқәа рышьашәаларазы иахәҭоу агәаҭарақәа мҩаҧысуеит”.

Ауаажәларратә Палата алахәыла Низам Хапат ахылаҧшырҭақәа зегьы ркоординациатә усеицура ахымҧадатәра инаҵшьны иазгәеиҭеит: “Хы-шықәса ирылагӡаны ҳара атәыла Анапхгареи Аминистрреи рыхьӡала, аҩныҵҟатәи аусқәа Рминистрра, иҷыдоу аҭагылазаашьақәа Рминистрра, Ареспубликатә Унитартә Наплакы "Амшынеиқәафымцамч", ақыҭанхамҩа Аминистрра, агәабзиарахьчара Аминиастрра, аекологиеи аҧсабара ахьчареи рзы аҳәынҭқарратә Еилакы, аҳәынҭқарратә стандарт, амассатә информациа ахархәагақәа, атуристтә бизнесс, уҳәа рхаҭарнакцәа злахәу акооординациатә хеилак аҧҵаразы ашәҟәқәа дәықәаҳҵоит. Аха изеиҧшразаалакгьы азхьаҧшреи аҭаки ҳәа акгьы ҳмоуӡацт. Акурортқәеи атуризми Рминистрра заҵәык атуризм аусхкы иадҳәалоу азҵаарақәа зегьы рыӡбара алшарым”.

Аилатәара алахәылацәа Аҧсны атуристтә индустриа аҿиара Астратегиа аус адулара шхымҧадатәиу азы алкаа ҟарҵеит. 

Убас, “Аҧснытәи атуризм аидгылара” апрезидент Анна Калиагина инаҵшьны иазгәалҭеит: “Аҧсны атуристтә усхкы аҿиара еиҿкаарада имҩаҧысуеит. Ари аиндустириа  аҿиаразы аҳәынҭқарратә программа аҧҵара хымҧадатәиуп. Уи баша аҧҵара мацара акәымкәа, уи алахәылацәа зегьы хымҧада идеилыркаатәуп. Атуризм аусхкы знапы алаку хазхаҭалатәи еиҧш, аҳәынҭқарратәии аиҿкаарақәа зегьы иаку аплан иқәныҟәалароуп”.

Аҧсны асасааирҭақәа рнапхгаҩцәа ргильдиа апрезидент Асҭамыр Ахба иазгәеиҭеит: “Ҳара лассы-лассы аҳәынҭқарратә стандартқәа еилазго аусдкылаҩцәа рганахьала ахьырхәратә уснагӡатәқәа рхархәаразы аҳәамҭақәа ҟаҳҵоит, аха иара убри аамҭазы, атуристтә бизнесс акала аџьшьара аҳҭаӡом. Аусдкылаҩ атуристтә индустриа ихатәы лагала алеиҵар иҭахызар, ус еиҧш аҽазышәарақәа адгылара аҭалатәуп. Аусдкылаҩ иҟынтәи зыҩаӡара ҳараку асервис астандартқәа раарҧшразы адҵаҟаҵара аҧхьа, уи азы иманшәалоу аҭагылазаашьақәа раҧҵара хымҧадатәиуп".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа