Ажәабжьқәа

Аҧсны атәылауаҩратә шәҟәы ҿыцқәа актәи рыхәҭа аашьҭуп

766
09.09.2015 16:04
Аҧсны атәылауаҩратә шәҟәы ҿыцқәа актәи рыхәҭа аашьҭуп
60 000 тәылауаҩшәҟәы Аԥсныҟа иаахьеит. 

Аҟәа. Сентиабр 9. Аԥсныпресс. Иааиуа 2-3 мчыбжьы ирылагӡаны атәылауаҩшәҟәқәа иаанхаз рыхәҭеи анхара азы аршаҳаҭгақәеи Аԥсныҟа иаагахоит. Абри азы ҷыдала имҩаԥгаз абрифинг аҿы аҳәамҭа ҟаиҵеит аԥыза-министр актәи ихаҭыԥуаҩ Шамиль Аӡынба. 

“Зынӡа 250 000 тәылауаҩшәҟәи 50 000 анхара азы аршаҳаҭгақәеи ҿаҵоуп”, – ҳәа азгәаҭара ҟаиҵеит Шамиль Аӡынба. Уи иара убас, атәылауаҩшәҟәқәа актәи рыхәҭа ауаажәларра рыҭара ҳазҭоу ашықәс октиабр мзазы иалагоит, ҳәа аҳәамҭа ҟаиҵеит. “Атәылауаҩшәҟәқәа рыҭара ахьымҩаԥысло ауадақәа реиҭашьақәыргыларатә усурақәа маҷк ада ихыркәшоуп. Жәамш ирылагӡаны, урҭ актқәа рыла рыдкылара мҩаԥгахоит. Иахәҭоу амыруга шааилак еиԥш, иҿыцу аелектронтә система ашьақәыргылара ахь ҳаиасуеит. Азныказы, ари Аҟәа мацара имҩаԥгахо ԥышәаратә проектхоит, анаҩс ауп уи Аԥсны ахьынӡанаӡааӡо аусура ианалаго”, – ҳәа инаҵшьны иазгәеиҭеит аԥыза-министр актәи ихаҭыԥуаҩ. 

Уи, апаспортизациа азҵаара стратегиала акырӡа шаҵанакуа, убри аҟынтә инҭырҳәыцааны аҽазыҟаҵара шахәҭоу ҷыдала иазгәеиҭеит. “Ҳара ҳзы ари азҵаара ахьыԥшымреи ашәарҭадареи ирыдҳәалоуп. Зыӡбахә ҳамоу атәылауаҩшәҟәы баша усшәҟәӡам, – уи ҳауаажәлар рҳәынҭқарра аԥеиԥш зларыӡбо ихадоу хархәагоуп. Арҭ атәылауаҩшәҟәқәа изыхәҭоу мацара ироуртә иҟаҳҵароуп”, – иҳәеит Шамиль Аӡынба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа