Ажәабжьқәа

Популярное

Аҧсны атәылахьчара Аминистрра аҿы марттәи ажәылара аҿы иҭахаз ргәаладыршәеит

229
15.03.2017 15:09
Аҧсны атәылахьчара Аминистрра аҿы марттәи ажәылара аҿы иҭахаз ргәаладыршәеит
Аҧсны атәылахьчара Аминистрра аҿы Аҧсны Аџьынџьтәылатәи Еибашьра марттәи ажәылараан иҭахаз ргәалашәара иазку Амш мҩаҧган.

Аҟәа. Хәажәкыра 15. Аҧсныпресс. Марттәи ажәылара иазкыз агәаларшәаратә усмҩаҧгатә рхы аладырхәит атәылахьчара аминистр ихаҭыҧуаҩцәа, афицар ҿарацәа, Аҟәатәи Иреиҳаӡоу арратә Ҵараиурҭа акурсантцәа, Аҧсны Арбџбармчқәа рыштаб Хада акомендантә рота аруаа,марттәи ажәылара алахәылацәа. Абри атәы аанацҳауеит атәылахьчара Аминистрра апресс-маҵзура.

Аруаа идырбан аҧсадгьыл Ахьчаҩцәа ирызкны Аҧснытәи аҳәынҭқарратә Телерадиоеилахәыра иазнархиаз адокументалтә материал. Марттәи ажәылара алахәылацәа еизаз рҿаҧхьа арҭ амш еиқәаҵәақәа ирыдҳәалаз ргәалашәарақәа еиҭарҳәеит. Марттәи ажәылара ҵакыс иамази уи амҩаҧгара шымҩаҧысуази ртәы еиҭарҳәеит аинрал-маиор Закан Нанба, аинрал-леитенант Владимир Ануа, аинрал-маиор Адгәыр Гәымба, аинрал-маиор Аслан Анқәаб.

Аҳәамҭа излаанацҳауа ала, Аҧсны Аџьынџьтәылатәи еибашьра иадҳәалоу ахҭысқәа ргәаларшәара аганахьала атәылахьчара Аминистрра акыр ахшыҩзышьҭрала иазнеиуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа