Ажәабжьқәа

Популярное

Аҧсны атәылахьчара Аминистрра аҿы имҩаҧгаз аилатәара аҿы азеиҧш арратә ҵакы змоу азҵаарақәа ирылацәажәеит

57
12.01.2018 12:43
Аҧсны атәылахьчара Аминистрра аҿы имҩаҧгаз аилатәара аҿы азеиҧш арратә ҵакы змоу азҵаарақәа ирылацәажәеит
Аҧсны атәылахьчара Аминистрра аҿы аминистр Мираб Кьышьмариа ихантәаҩрала аусуратә еилатәара мҩаҧысит.

Аҟәа. Ажьырныҳәамза 12. Аҧсныпресс. Аҧсны атәылахьчара аминистр Мираб Кьышьмариа атәылахьчара аминистр ихантәаҩцәеи атәылахьчара ахылаҧшырҭа хада арратә усбарҭақәеи аҟәшақәеи рнаҧхгаҩцәеи арратә хәҭақәеи, егьырҭ хазы игоу арратә хәҭақәеи  аҟәшақәеи  ркомандаҟаҵаҩцәеи алархәны, аусуратә еилатәара мҩаҧигеит. Абри атәы аанацҳауеит Аҧсны атәылахьчара Аминистрра апресс-маҵзура.  

Аилатәара аҿы азеиҧш арратә ҵакы змоу азҵаарақәа ирылацәажәеит. 

Убри аан, атәылахьчара аминистр арратә хәҭақәеи аҟәшақәеи ркомандаҟаҵаҩцәа арратә зыҟаҵареи егьырҭ иазҧхьагәаҭаз аусмҩаҧгатәқәеи рынагӡара  ахьынӡалыршаз азы иҟарҵаз ажәахәқәа дырзыӡырҩит. Убри аан уи арратә ҧҟарақәа рықәныҟәареи, аратә хәҭақәа рырратә уалҧшьа анагӡара аҩаӡара аизырҳареи рхымҧадатәра ҷыдала ахшыҩзышьҭра аиҭеит.

Мираб Кьышьмариа атәылахьчара Аминистрра анаҧхгаратә маҵзурақәа назыгӡо, афицарцәа арратә хәҭақәа рҿы  русура аиҕьтәра азы русура еиҳа ҭакҧхықәрала иазнеиларц раҧшьигеит. 

Аминистр аҭакҧхықәра змоу ахаҿқәа хаҭалатәи аилазаара аҭагылазаашьеи анаҧхгараҭаратә усшәқәа реиқәыршәареи, атәылахьчара аминистр идҵақәа рынагӡара амҩаҧысшьеи рхылаҧшра еиҳагьы ишырҕәҕәахо инаҵшьны иазгәеиҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа