Ажәабжьқәа

Популярное

Аҧсны ашәҟәыҩҩцәа Реидгыла алитературатә клуб аҟыбаҩ злоу алитератор ҿарацәа асеминар-еилатәара ахь иаднаҧхьалеит

169
11.05.2017 15:04
Аҧсны ашәҟәыҩҩцәа Реидгыла алитературатә клуб аҟыбаҩ злоу алитератор ҿарацәа асеминар-еилатәара ахь иаднаҧхьалеит
Ашәҟәыҩҩцәа Реидгыла Аҧсны еиуеиҧшым араионқәеи ақалақьқәеи рҿы есымша аус зуа алитературатә клубқәа раҧҵара азҧхьагәаҭаны иамоуп.

Аҟәа. Лаҵарамза 11. Аҧсныпресс. Аҧсны ашәҟәыҩҩцәа Реидгыла апрезидиум актәи аилатәара аҿы алитератор ҿарацәа аусрыдулара азы акомиссиа аҧҵан, иара убас, Алитературатә клуб еиҿкаан.

Аҧсны ашәҟәыҩҩцәа Реидгылара иҟанаҵо адыррақәа рыла, иарбоу Аклуб активла аусура иалагахьеит. Убас, лаҵарамза 10 рзы уи аҟыбаҩ злоу алитератор ҿарацәа асеминар- еилатәара ахь иаднаҧхьалеит. Аусмҩаҧгатә рхы аладырхәит аҟәатәи абжьаратәи аҧсуа школқәа №№ 1; 4; 5 и 10, алицеи-интернат аиҳабыратәи аклассқәа рҵаҩцәа, иара убас, Аҧснытәи аҳәынҭқарратә Университет афилологиатә факультет астудентцәа.

Асеминар-еилатәара мҩаҧигон Аҧсны ашәҟәыҩҩцәа Реидгыла ахантәаҩы Вахтанг Абхазоу. Уи наҧхгара зиҭо арҿиаратә еилазаара аҭоурыхи аҧҵара аҿы аџьабаа збази ртәы далацәажәеит, ҳаамҭазтәи амилаҭтә литература апрблемақәа ҷыдала дырзааҭгылеит, уи аҿиара аҿы еиҳа хра злоу ахырхарҭақәас иибо азы игәаанагара иҳәеит. Вахтанг Абхазоу алитератор ҿарацәа раҧхьаҟа аперспектива дуқәа хымҧада ишырзыҧшу азы агәра шиго азгәеиҭеит. Уи иажәақәа рыла, еиҳарак еиҳабу абиҧара иаҵанакуа атәыла ашәҟәыҩҩцәа Реидгыла алахәылацәа урҭ гәахәара дула аус рыдырулоит, рҧышәа еимырдоит, абжьгарақәа рырҭоит.

Иарбоу аусмҩаҧгатә аҳәаақәа ирҭагӡаны, ашколхәыҷқәеи астудентцәеи рхатәы жәеинраалақәа ирыҧхьеит. Анаҩс, Аҧсны ашәҟәыҩҩцәа Реидгыла иалоу апоетцәа-абжьгаҩцәа Заира Ҭхаиҵыҟә, ажурнал “Алашара”аредактор хада Анатоли Лагәлаа, иара убас, ахәыҷтәы журнал “Амцабз” аредактор хада Инна Ҳашба алитератор ҿарацәа рахь рхы рханы абжьгаратә ажәахәқәа ҟарҵеит.

Иара убас, асеминар аҿы иқәгылеит апоетцәа Теренти Ҷаниа, Валери Касланӡиа, ашәҟәыҩҩы Ҳаири Қәҭарба, Аҧснытәи аҳәынҭқарратә Университет аҿы В. П. Анқәаб ихьӡ зху акабинет анаҧхгаҩы

Аусмҩаҧгатә ахырқәшамҭаз Вахтанг Абхазоу асеминар-еилатәара алахәылацәа зегьы ашәҟәыҩҩцәа Реидгыла ахьӡала аҳаҭыртә шәҟәқәеи, иара убас аҧсуа поетцәа ражәеинраалақәа реизга ашәҟәқәа ранеишьеит.

Убри аан Вахтанг Абхазоу иҟаиҵаз адыррақәа рыла, аиҧш-зеиҧшу аусура аринахысгьы аҳҭнықалақь аҿы адагьы, егьырҭ ақалақьқәагьы рҿы имҩаҧгахалоит. Ашәҟәыҩҩцәа Реидгылара Аҧсны еиуеиҧшым араионқәеи ақалақьқәеи рҿы есымша аус зуа алитературатә клубқәа раҧҵара азҧхьагәаҭаны иамоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа