Ажәабжьқәа

Популярное

Аҧсны ашәҟәыҩҩцәа Реидгыла алитератор ҿарацәа Актәи асеминар мҩаҧнагеит

920
14.05.2018 13:58
Аҧсны ашәҟәыҩҩцәа Реидгыла алитератор ҿарацәа Актәи асеминар мҩаҧнагеит
Асеминар аиҿкаара ахықәкы – аҟыбаҩ злоу аҿар рыҧшаара.

Аҟәа. Лаҵарамза 14. Аҧсныпресс. Аҧсны ашәҟәыҩҩцәа Реидгыла алитератор ҿарацәа Актәи асеминар мҩаҧнагеит. Уи рхы аладырхәит Аҧсны араионқәа зегьы рҟынтәи 50-ҩык инарзынаҧшуа алитераторцәа. Уи 8-11 аклассқәа рҵаҩцәеи Аҧсны аҳәынҭқарратә Университет астудентцәеи апоет ҿарацәеи роуп. Асеминар аиҿкаара ахықәкы – аҟыбаҩ злоу аҿар рыҧшаара.

Асеминар алахәылацәа Д. И. Гәлиа ибаҟа амҵан ашәҭ шьыҵәрақәа шьҭарҵеит. Асеминар алахәылацәа дрыдныҳәалеит анаукеи акультуреи аҵарадырреи рзы Аҳәынҭқарра Ахада иабжьгаҩ Владимир Занҭариа. Ашәҟәыҩҩцәа Реидгыла аҧҵара аҭоурыхи амилаҭтә литература аҿиареи дрылацәажәеит Ашәҟәыҩҩцәа Реидгыла ахантәаҩы Вахтанг Абҳазоу. Алитератор ҿарацәа рхатәы рҿиамҭақәа ирыҧхьеит.

Аиҧылара ахыркәшамҭаз асеминар алахәылацәа аҳаҭыртә шәҟәқәеи аҧсуа классикцәа рышәҟәқәеи ҳамҭас иранашьан. Анаҩс асеминар алахәылацәа Д. И. Гәлиа Имемориалтә ҩны-амузеи иаҭааит. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа