Ажәабжьқәа

Аҧсны ашәахтәқәеи аизгақәеи рминистр атуризм аусхкы аҿы ашәахтәқәа реизгара иадҳәалоу апроблемақәа дрылацәажәеит

67
17.05.2019 16:38
Аҧсны ашәахтәқәеи аизгақәеи рминистр атуризм аусхкы аҿы ашәахтәқәа реизгара иадҳәалоу апроблемақәа дрылацәажәеит
Даур Кәырмазиа “Аекскурсиатә маҵзура аҿы ашәахтәқәа реизгара аҩаӡара зегьы раасҭа еиҵоуп” ҳәа иазгәеиҭеит.

Аҟәа. Лаҵарамза 17. Аҧсныпресс. Акурорттә аамҭахәҭа аҽазыҟаҵара иазкны Аҧсны аминистрцәа Реилазаара аҿы имҩаҧысыз инарҭбаау аусуратә еилатәара аҿы, ашәахтәқәеи аизгақәеи рминистр Даур Кәырмазиа атуристтә усхкы аҿы ашәахтәқәа реизгара иадҳәалоу апроблемақәа дрылацәажәеит.

Убас, Даур Кәырмазиа “Аекскурсиатә маҵзура аҿы ашәахтәқәа реизгара аҩаӡара зегьы раасҭа еиҵоуп” ҳәа иазгәеиҭеит.

Аминистр алкаа ҟаиҵеит: “Аиашазы, аекскурсиатә маҵзура аусхкы аҿы ахәқәа рырмариара мҩаҧысуеит. Уи аҵыҵҕәқәа иреиуоуп намысдырала аконкуренциа амҩаҧгара. Аминистррра иҳаҩсыз ашықәс азы изныкымкәа агәаҭарақәа мҩаҧнагахьан, аилагарақәагьы маҷымкәа иаарҧшын. Асиақәа еиқәыршәоуп хыҧхьаӡара рацәала аматериалқәа аус рыдулоуп: алицензиа зауз 80 аекскурсиатә фирмақәа рҟынтәи 40 заҵәык роуп  аус зуа.

Иара убас, Даур Кәырмазиа хазхаҭалатәи аусдкылара аҿы алеишәатә ҳасабркра аҩаӡара шмаҷу азгәеиҭеит: “Ашәҟәы иҭагалоу атуристцәа рхыҧхьаӡара ала, хыҧхьаӡара рацәала аиаратә ҭыҧқәа хазхаҭалатәи аусдкылаҩцәа ирыдуп. Урҭ зегьы иҷыдоу ашәахтә ршәоит. Убри аан, аобиектқәа рҿы изеиҧшразаалак ҳәа аҳасаббара ҳәа акгьы ыҟаӡам, атуристцәа рхыҧхьаӡара алкаара мҩаҧыргаӡом. Убас ала, ашәҟәы иҭагалоу атуристцәа рхыҧхьаӡара уалацәажәар ҟалоит аиуристтә хаҿқәа иртәу аобиектқәа рҿы мацара. Иҳаҩсыз ашықәс азы ари арбага 300 нызықь-ҩык иреиҳахеит. Аха, рыцҳарас иҟалаз, араҟагьы ахәқәа мчыла рырхәанчара мҩаҧысуеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа