var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

Аҧсны аполитикатә партиақәеи ауаажәларратә еиҿкаарақәеи Апарламент ахь алхратә закәанҧҵара аиҭакрақәа ралагаларазы ажәалагала дәықәырҵеит

194
27.12.2016 13:46
 Аҧсны аполитикатә партиақәеи ауаажәларратә еиҿкаарақәеи Апарламент ахь алхратә закәанҧҵара аиҭакрақәа ралагаларазы ажәалагала дәықәырҵеит
Аҧшьгара инақәыршәаны, алхыҩ ибжьы зиҭо акандидат ихьӡ ижәла зну ацәаҳәа иамариашаны адырга ақәыргыларазы ажәалагала ҟаҵоуп.

Аҟәа. Ҧхынҷкәын 27. Аҧсныпресс. Аҧсны аполитикатә партиақәеи ауаажәларратә еиҿкаарақәеи Жәлар Реизара-Апарламент ахь алхратә закәанҧҵара аиҭакрақәа ралагаларазы ажәалагала дәықәырҵеит.

Аҟәа. Ԥхынҷкәын 27. Аԥсныпресс. Ахәҭакахьала аҳәамҭа аҿы иаҳәоит:

“Аҧсны Жәлар Реизара-Апарламент адепутатцәа рахь ҳхы рханы “Жәлар Реизара-Апарламент адепутатцәа ралхразы Азакәани” егьырҭ, иарбоу азҵаара ҳәаақәызҵо, анормативтә шәҟәынҵақәеи аиҭакрақәа ралагаларазы азҵаара иахәаҧшырц азы аҳәара ҟаҳҵоит.

Ишыжәдыруа еиҧш, ихьыҧшым аҳәынҭқарра аргылара иадҳәалоу аамҭахәҭа зегьы иалагӡаны, Аҧсны Аҳәынҭқарра Аконституциа адкылара инаркны, алхыҩцәа рыбжьыҭираан абиуллетень аҿы “мап” зцәыркуа акандидат ижәла иамариашаны адырга ықәдыргылон, убри аан рыбжьы зырҭоз акандидат ихьӡ ижәла зну ацәаҳәа ҭацәны иаанхон”.

Аполитикатә партиақәеи ауаажәларратә еиҿкаарақәеи рхаҭарнакцәа, иҟарҵо ажәалагала “аппонент иахь патуқәҵарала изнеира, аморал-етикатә нормақәеи амилаҭтә ҵасқәеи рықәныҟәара, уҳәа реиҧш иҟоу хыҧхьаӡара рацәала афакторқәа ирыдҳәалоуп. Иҟалап ажәла аҵәаҕәа ахьшьрала, ҳара ҳмилаҭтә ҵасқәеи ақьабзқәеи ирцәыхароу, ҳажәлар ракзаара иаҧырхагоу хымҩаҧгашьак ааҳарҧшуазаргьы”, – ҳәа иаҳәоит аҳәамҭа аҿы.


Аҳәамҭа рнапы аҵарҩит:

Ареспубликатә Уаажәларратә Еиҿкаара “Аруаа” - И.Ч. Гәыниа,
Ареспубликатә Уаажәларратә Еиҿкаара “Аҧсадгьыл” - Б.Ф. Ешба,
Аполитикатә Партиа “Аҧсны” - Т. Хә. Надараиа,
Аполитикатә Партиа “Амцахара” - А. Ш. Кәыҵниа,
Аполитикатә Партиа “Аинар” - Т. Ш. Џьопуа,
Аҧсны Аекономикатә ҿиара Апартиа - Т. Т. Аршба,
Аполитикатә Партиа “Адемократиатә Аҧсны” - А.О. Логәуа,
Аҧсны Жәлар Рпартиа - И.У.Лакоба,
Ареспубликатә Политикатә Партиа “Жәлар Ракзаара Афорум - Л. Ш. Еник,
Аполитикатә Партиа “Аҿиареи аиашареи рзы Жәлар Рфронт” - Л. Н. Сақаниа,
Ареспубликатә Политикатә партиа “Аҧсны Акзаара” - С. М. Шамба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа