Ажәабжьқәа

Популярное

Аҧсны Апарламент аделегациа Аҩбатәи Жәларбжьаратәи афорум “Апараламентаризм аҿиара” ахы аланархәуеит

105
01.07.2019 12:54
Аҧсны Апарламент аделегациа Аҩбатәи Жәларбжьаратәи афорум “Апараламентаризм аҿиара” ахы аланархәуеит
Афорум Москва ақалақь, ҧхынгәымза 1-3 рзы имҩаҧыслоит.

Аҟәа. Ҧхынгәымза 1. Аҧсныпресс. Апарламент аиҳабы Валери Кәарҷиа напхгара зиҭо Аҧсны Жәлар Реизара – Апарламент аделегациа Аҩбатәи Жәларбжьаратәи афорум “Апараламентаризм аҿиара” ахы аланархәырц азы рашәарамза 30 рзы Москва ақалақь аҟынӡа инаӡеит.

Аделегациа алахәыла – Аҧсны Жәлар Реизара – Апарламент Аппарат анапхгаҩы Вадим Бжьаниа иҟаиҵаз адыррақәа рыла, Москва ақалақь аҿы аделегациа алахәылацәа ирҧылеит Урыстәылатәи Афедерациа Аҳәынҭқарратә Дума адепутат Ирек Зиннурови, Урыстәылатәи Афедерациа иҟоу Аҷыдалкаатә зинмчызмоу Аҧсны Аҳәынҭқарра Ацҳаражәҳәаҩ Игорь Ахбеи.

Афорум ҧхынгәымза 1 инаркны 3 рҟынӡа жәларбжьаратәи ахәаахәҭра аплошьадка аҿы имҩаҧыслоит. Аусмҩаҧгатә ахь еизеит 800-ҩык рҟынӡа алахәылацәа – аспикерцәа, аспикерцәа рхаҭыҧаҩәа, аҳәаанырцәтәи Апарламентқәа рлахәылацәа, аҵарауаа, аекспертцәа, ажурналистцәа. 

Афорум аспикерцәа х-секциак рҿы ажәахәқәа ҟарҵоит: “Жәларбжьаратәи ашәарҭадара: аҭынчреи аҭышәынтәалареи рзы азакәанҧҵаҩцәа рдиалог”, “Азакәанрҿиареи ахыҧхьаӡаратә ҭеиҭыҧш азакәантә шьаҭаркреи”, “Апарламентбжьаратәи аусеицура: апринципқәа, атрендқәа, аинститутқәа”. 

Иарбоу аусмҩаҧгатә аҧшьгаҩыс иамоуп Урыстәылатәи Афедерациа Аҳәынҭқарратә Дума. Раҧхьаӡатәи ас еиҧш афорум мҩаҧган Москва ақалақь, рашәарамза 4-5, 2018 шықәса рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа