Ажәабжьқәа

Популярное

Аҧсны амилаҭтә Банк: 25 586 млн Урыстәылатәи Афедерациа амааҭқәа, 27,6 млн Еиду Америкатәи Аштатқәа рдолларқәа, 6,5 млн евро абанктә система иатәу акассақәа рахь инеит

267
09.01.2018 13:52
Аҧсны амилаҭтә Банк: 25 586 млн Урыстәылатәи Афедерациа амааҭқәа, 27,6 млн Еиду Америкатәи Аштатқәа рдолларқәа, 6,5 млн евро абанктә система иатәу акассақәа рахь инеит
Аҧсны амилаҭтә Банк ихарҭәаам 2017-тәи ашықәс азы иҟаз аҧаратә хархәагақәа реикәыршара ахҳәаа ҟанаҵеит.

Аҟәа. Ажьырныҳәамза 9. Аҧсныпресс. Аҧсны амилаҭтә Банк иҳаҩсыз ашықәс азы аҧаратә хархәагақәа реикәыршара ахҳәаа ҟанаҵеит. Аҳасабырбара амилаҭтә Банк аофициалтә саит аҿы икьыҧхьуп.

Убас ала, Аҧсны амилаҭтә Банк иҟанаҵо адыррақәа рыла, ҧхынҷкәынмза 1 азы Аҧсны абанктә система иатәу акассақәа рахь инеихьан: 25 586 млн Урыстәылатәи Афедерациа амааҭқәа, 27,6 млн Еиду Америкатәи Аштатқәа рдолларқәа, 6,5 млн евро. Урыстәылатәи Афедерациа амааҭқәа рыла иҟоу аҧаратә лагалақәа реиҳарак анаплакқәа рыхәҳаахәҭратә усура аҟынтәи ахашәалахәы иаҵанакуеит – 34,6%, хаҭалатәи ахаҿқәа рҟынтәи аҧаратә хархәагақәа рыиагара иадҳәалоу аоперациақәа рынагӡара ала – 16,8%; аиуристтә хаҿы аҧҵара ада аусдкыларатә усура назыгӡо ауааҧсыра рыхьӡала иаарту аҧарашьҭаҵарҭақәа ирхыҧхьаӡалаз – 12,1%; зыхә шәатәу амаҵзурақәа рҟынтәи – 5,0%; хаҭалатәи ахаҿқәа рҧарашьҭаҵарҭқәа ирхыҧхьаӡалаз – 4,6%; хаҭалатәи ахаҿқәа рҟынтәи аҵәахырҭатә касса иалагалаз аҧара – 4,3%; хаҭалатәи ахаҿқәа аҳәаанырцәтәи аҧара раадырхәара аҟынтәи ахашәалахәы – 3,6%; хаҭалатәи ахаҿқәа ирыҭаз акредитқәа ршәара иазоужьыз – 2,1%.

Иҳаҩсыз ашықәс азы аиҧш-зеиҧшу аамҭахәҭа иаҿырҧшны уахәаҧшуазар, аҧаратә лагалақәа реизырҳара наӡеит: Урыстәылатәи Афедерациа амааҭқәа рыла – 100,4%; Еиду Америкатәи Аштатқәа адолларқәа рыла – 101,1%; евро ала – 203,1%.

Аҧсны абанктә система аҟынтәи иалгоуп: 22 909 млн. Урыстәылатәи Афедерациа амааҭқәа; 25,3 млн Еиду Америкатәи Аштатқәа адолларқәа; 6,4 млн евро. Урыстәылатәи Афедерациа амааҭқәа рыла анапынҵа ҧара аҭара еиҳарак имҩаҧгахоит: хаҭалатәи ахаҿқәа рыхьӡала иаарту аҧхьаӡаратә ҧарашьҭаҵарҭақәа рҟынтәи – 13,3%; аиуристтә хаҿы аҧҵара ада аусдкыларатә усура назыгӡо ауааҧсыра  рыхьӡала иаарту аҧхьаӡаратә ҧарашьҭаҵарҭақәа рҟынтәи – 13,2%; аулафахәы ашәара азы –12,0%; анаплакқәеи аиҿкаарақәеи аусбарҭақәеи рзы атауарқәеи аиқәыршәагақәеи абылтәи ахьшьтәи раахәара азы – 7,8%; атәанчаҩхәи  аматериалтә цхыраареи абгаҧсатә хшәаареи рзы – 6,3%; хаҭалатәи ахаҿқәа рҟынтәи аҧаратә хархәагақәа рыиагара иадҳәалоу аоперациақәа рынагӡара азы– 6,1%; хаҭалатәи ахаҿқәа рыхьӡала иаартыз аҧарашьҭаҵарҭақәа рҟынтәи – 4,7%.

Иҳаҩсыз ашықәс азы аиҧш-зеиҧшу аамҭахәҭа иаҿырҧшны уахәаҧшуазар, анапынҵа ҧаратә хархәагақәа рыҭара аизырҳара наӡеит: Урыстәылатәи Афедерациа амааҭқәа рыла – 89,0%; Еиду Америкатәи Аштатқәа адолларқәа рыла – 95,1%; евро ала – 206,5%.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа