Ажәабжьқәа

Аҧсны амилаҭ-хақәиҭратә қәҧара ихадоу аетапқәа иреиуоу: Аҧсны Аҳәынҭқарра Ахада Аҧснытәи аҳәынҭқарратә телерадиоеилахәыра аколлектив Аҧснытәи аҳәынҭқарратә телехәаҧшра аҧҵара Амш рыдиныҳәалеит

283
06.11.2019 11:33
Аҧсны амилаҭ-хақәиҭратә қәҧара ихадоу аетапқәа иреиуоу: Аҧсны Аҳәынҭқарра Ахада Аҧснытәи аҳәынҭқарратә телерадиоеилахәыра аколлектив Аҧснытәи аҳәынҭқарратә телехәаҧшра аҧҵара Амш рыдиныҳәалеит
“Ателехәаҧшреи арадиодырраҭареи рроль дуӡӡоуп Аҧсны Аҳәынҭқарра ахақәиҭреи ахьыҧшымреи рзы азеиҧшмилаҭтә қәҧара атәы инарҭбааны раарҧшраҟны”, – ҳәа иаҳәоит адныҳаларатә шәҟәы аҿы.

Аҟәа. Абҵарамза 6. Аҧсныпресс. Аҧсны Аҳәынҭқарра Ахада Аҧснытәи аҳәынҭқарратә телерадиоеилахәыра аколлектив Аҧснытәи аҳәынҭқарратә телехәаҧшра аҧҵара Амш рыдиныҳәалеит.

Адныҳәалара атекст аҟны, ҷыдала, иҳәоуп:

“1978 шықәса абҵарамза 6 инаркны аусура иалагаз Аҧсуа телехәаҧшра аҧҵара амилаҭ-хақәиҭратә қәҧара аҩныҵҟа акрызҵазкуа аамҭаны иҟалеит. Ари аҭоурыхтә хҭыс Аҧсны жәлар рҭоурых, ркультура, ргәыҵхақәа ирызку аинформациа мҽхакы ҭбаала рыларҵәаразы алшара рнаҭеит.

Ателехәаҧшреи арадиодырраҭареи рроль дуӡӡоуп Аҧсны Аҳәынҭқарра ахақәиҭреи ахьыҧшымреи рзы азеиҧшмилаҭтә қәҧара атәы инарҭбааны раарҧшраҟны. Ҳара ҳхырхәоит Аҧсны Аџьынџьтәылатә еибашьраҟны иҭахаз ателехәаҧшра аусзуҩцәа ргәалашәара аҿаҧхьа.

Имариаӡам амедиатә хархәагақәа рзы иахьатәи адунеи иқәнаргыло азҵаарақәа инарықәыршәаны, аамҭа иаҵамхакәа аусура. Ауаажәларра аҭахрақәа рынагӡара зылшо аинформациатә аалыҵқәа раҧҵара, иааиҧмырҟьаӡакәа атема ҿыцқәа рышьҭыхра, аҿиаразы алшара ҿыцқәа рыҧшаара, – ари зегьы аҳәынҭқарратә телеканал аколлектив тәамҩахә змам русурала имҩаҧысуеит.

Гәык-ҧсыкала ишәзеиҕьасшьоит агәабзиара, ақәҿиарақәа, арҿиаратә гәазыҳәара”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа