Ажәабжьқәа

Популярное

Аҧсны алхратә Комиссиа Хада аҿы Шамиль Аӡынбеи Артур Анқәаби Аҳәынҭқарра Ахадарахь акандидатцәа раҳасабала рықәыргыларазы аҧшьгаратә гәыҧқәа ашәҟәҭагалара иахысит

157
03.07.2019 14:02
Аҧсны алхратә Комиссиа Хада аҿы Шамиль Аӡынбеи Артур Анқәаби Аҳәынҭқарра Ахадарахь акандидатцәа раҳасабала рықәыргыларазы аҧшьгаратә гәыҧқәа ашәҟәҭагалара иахысит
Аҧсны Аҳәынҭқарра Ахадарахь акандидатцәа рықәыргыларазы аҧшьгаратә гәыҧқәеи аполитикатә партиақәеи рышәҟәҭагалара мҩаҧысуеит.

Аҟәа. Ҧхынгәымза 3. Аҧсныпресс. Алхратә Комиссиа Хада аҿы Аҧсны Аҳәынҭқарра Ахадарахь акандидатцәа рықәыргыларазы аҧшьгаратә гәыҧқәеи аполитикатә партиақәеи рышәҟәҭагалара мҩаҧысуеит.

Аҧсны Алхратә Комиссиа Хада иҟанаҵо адыррақәа рыла, ҧхынгәымза 2 рзы Аҧсны алхратә Комиссиа Хада аҿы Шамиль Омар-иҧа Аӡынба Аҳәынҭқарра Ахадарахь акандидат иаҳасабала иқәыргыларазы аҧшьгаратә гәыҧ ашәҟәҭагалара иахысит.

Иара убас, ашәҟәы иҭагалоуп Артур Мирод-иҧа Анқәаб Аҧсны Аҳәынҭқарра Ахадарахь акандидатс иқәыргыларазы аҧшьгаратә гәыҧ.  


(АП): Аҧсны Аҳәынҭқарра Ахада иалхрақәа мҩаҧысраны иҟоуп нанҳәамза 25 рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа