Ажәабжьқәа

Аҧсны акурорттә қалақьқәа рахь “иаку” абилеҭқәа рыҭира аамҭа кьаҿ иалагӡаны ихацыркхоит

147
22.07.2019 11:17
Аҧсны акурорттә қалақьқәа рахь “иаку” абилеҭқәа рыҭира аамҭа кьаҿ иалагӡаны ихацыркхоит
“Иаку” абилеҭ архиара иалагоит ҧхынгәымза 23 инаркны Иаарту Акционертә Еилазаара “Урыстәылатәи Аихамҩақәа” рсаити авиакассақәеи рҿы.

Аҟәа. Ҧхынгәымза 22. Аҧсныпресс. Ҧхынгәымза 23 инаркны Автономтә Икоммерциатәым Аиҿкаара “Иаку атранспорттә напхгараҭара” Аҧсныҟа анаӡареи шьҭахьҟа ахынҳәреи рзы “иаку” абилетқәа рыҭира хацнаркуеит.

Ҧхынгәымза 24 инаркны Адлер адәыҕба авокзали Шәача ақалақь аҿы аҳаирбаҕәазеи рҿы ҭауиҭадала апассаџьырцәа Аҧсны ақалақьқәа хәба – Гагра, Пицунда, Гәдоуҭа, Афон Ҿыци Аҟәеи рахь рыиагара мҩаҧыслоит.

“Иаку” абилеҭ ахархәара алшоит адәыҕбала адәыҕбатә вокзал аҟынӡа, анаҩс автобусла еиҧш, аҳаирплан ала Шәачатәи аҳаибаҕәаза аҟынӡа, анаҩс автобусла Аҧснынӡа. “Иаку” абилеҭ архиара иалагоит ҧхынгәымза 23 инаркны Иаарту Акционертә Еилазаара “Урыстәылатәи Аихамҩақәа” рсаити авиакассақәеи рҿы. Аҧхынтәи амшеизша аҿы, уахынлатәи аамҭахәҭагьы уахь иналаҵаны, 8 хырхарҭак ыҟоуп.

Жәларбжьаратәи аиагарақәа даара иманшәалоу амикроавтобусқәа рыла имҩаҧгахоит. Амҩақьыра 2018 шықәсазы иҟаз аҩаӡараҿы иаанхеит. Убас ала: Шәача-Гагра – 380 мааҭ, Шәача-Пицунда – 420 мааҭ, Шәача-Гәдоуҭа – 460 мааҭ, Шәача-Афон Ҿыц – 520 мааҭ, Шәача-Аҟәа – 560 мааҭ. “Иаку” абилеҭ ала Аҧсныҟа аныҟәарақәа абар ахҧатәи акурорттә сезон иалагӡаны имҩаҧысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа