Ажәабжьқәа

Популярное

Аҧсны Актәи Ахада Имемориал ахь инагоу амҩаду ҿыц еиҭашьақәыргылахоит

185
27.07.2018 12:01
Аҧсны Актәи Ахада Имемориал ахь инагоу амҩаду ҿыц еиҭашьақәыргылахоит
Аҧсны аминистрцәа Реилазаара аилатәара аҿы аҳәынҭқарратә Еилакы “Аҧсныабылтәы” 2018 шықәсатәи ахашәалахәы ахәҭа аҳәынҭқарратә биуџьет алагалара азы аӡбамҭа рыдыркылеит.

Аҟәа. Ҧхынгәымза 27. Аҧсныпресс. Ҭамара Ачҧҳа. Аҧсны аминистрцәа Реилазаара аилатәара аҿы аҳәынҭқарратә Еилакы “Аҧсныабылтәы” 2018 шықәсатәи ахашәалахәы ахәҭа аҳәынҭқарратә биуџьет алагалалара азы Ақәҵара рыдыркылеит.

Аусшәҟәы адгалара мҩаҧигеит аҧыза-министр ихаҭыҧуаҩ, афинансқәа рминистр Џьансыхә Нанба. Уи иажәақәа рыла, абиуџьет ахашәалахәытә хәҭа аизырҳара иазкны, Ақәҵара апроект ала, аҳәынҭқарратә Еилакы “Аҧсныабылтәы” Зҭакҧхықәра Ҳәаақәҵоу Аилазаара “РН-Абхазия (Роснефть) хәҭаалатәи алахәра аҟынтәи 2018 шықәсазы иаиуз ахашәалахәы зегьы аҳәынҭқарратә биуџьет ахыҧхьаӡалара адгалан. Ахашәалахәы аицҵалыҵ – 80 миллион мааҭ рҟынӡа инаӡоит.

Убри аан, атәыла аҧыза-министр Геннади Гагәылиа инаҵшьны иазгәеиҭеит: “Иарбоу аҧаратә хархәагақәа Владислав Григори-иҧа Арӡынба Имемориалтә комплекс ашҟа инагоу амҩа ҿыц аргылара иазкхоит ҳәа ишьақәырҕәҕәоуп. Убас ала, “Алашарбага” аҳаблагьы амҩа бзиа аиуоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа