Ажәабжьқәа

Популярное

Аҧсны ахортә капелла амшаҧы азгәаҭара иазку Москватәи афестиваль иалахәхоит

997
19.04.2018 12:19
Аҧсны ахортә капелла амшаҧы азгәаҭара иазку Москватәи афестиваль иалахәхоит
Аҧсны аҳәынҭқарратә хортә капелла Урыстәыла иреиҳау афорум аҿы иқәгылараны иҟоуп.

Аҟәа. Мшаҧымза 19. Аҧсныпресс. Лана Ҵәыџьҧҳа. Аҧсны жәлар рартистка Нора Аџьынџьал наҧхгара зылҭо аҧснытәи аҳәынҭқарратә хортә капелла амшаҧы азгәаҭара иазку ХVII Москватәи афестиваль иалахәхоит.

Акапелла асахьаркыратә наҧхгаҩы, адирижиор хада Нора Аџьынџьал лажәақәа рыла, Аҧсны аҳәынҭқарратә капелла Москваҟа имҩаҧнаго агастрольқәа амшаҧы азгәаҭара иазку Москватәи афестиваль аиҿкааҩцәа рааҧхьарала имҩаҧыслоит.

“Афестиваль аҳәаақәа ирҭагӡаны, ҳара х-концертк рымҩаҧгара азҧхьагәаҭаны иҳамоуп. Сынтәа ҳкопелла иарбоу аусмҩаҧгатә аантәны ахы аланархәуеит. Аколлектив ргәы хыҭхыҭуа ари ахҭыс иазыҧшын”, – ҳәа иазгәалҭеит Нора Аџьынџьал.

Нора Аџьынџьал ишазгәалҭаз ала, арепертуар аҿы иҟоуп аҧсуа шәақәа реиҧш, аурыс доуҳатә музыкеи, Тото Аџьапуа аус здиулахьоу VI ашәышықәса иатәу ақьырсиантә литургиатә шәаҳәареи, аҧсуа композиторцәа иаҧырҵахьоу афырхаҵаратә ашәақәеи.

“Москватәи апублика ҳардыруеит, шьахәлаҵәҟьагьы ҳрыдыркылоит. Аҧснытәи аҳәынҭқарратә хортә капелла ықәгылараны иҟоуп ҳәа ианраҳалак, урҭ иаҳзыҳырҩырц азы егьырҭ ақалақьқәа рҟынтәи иаауеит”, – ҳәа инаҵшьны иазгәалҭеит Нора Аџьынџьал.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа