Ажәабжьқәа

Популярное

Аҧсны Ахада Рауль Ҳаџьымба Адыгеиа Ареспублика Ахада Мураҭ Кумпилов диҧылеит

167
21.07.2018 13:22
Аҧсны Ахада Рауль Ҳаџьымба Адыгеиа Ареспублика Ахада Мураҭ Кумпилов диҧылеит
Ареспублика Адыгеиа Ахада Мураҭ Кумпилов наҧхгара зиҭо аделегациа Аҧсныҟа иааит.

Аҟәа. Ҧхынгәымза 21. Аҧсныпресс. Аҧсны Ахада Рауль Ҳаџьымба Адыгеиа Ареспублика Ахада Мураҭ Кумпилов диҧылеит.

Аҳәынҭқарра Ахада Рауль Ҳаџьымба Мураҭ Кумпилов аҧсшәа иеиҳәеит.

"Бзиала шәаабеит аҧсуа дгьыл аҿы ҳәа шәасҳәоит Мураҭ Каральби-иҧа. Сгәы иаанагоит, Адыгеиа Ареспубликеи ҳареи зырҿиара ҳаҿыз аимадарақәа аҧхьаҟагьы иеихаҳҳалоит ҳәа. Хымҧада, уи ҳара ҳзы еиҧш, Адыгеиа Ареспублика азгьы даара акраҵанакуеит. Ҳара ҳаиашьаратә еимадарақәа азқьышықәсақәа иргәылсны иаауеит. Ҳара аамҭа уадаҩқәа раан мацара акәымкәа, есқьынгьы ҳаиҿцаалароуп.

Ибзианы иаҳгәалашәоит, Аҧсны Аџьынџьтәылатә еибашьраан (1992-1993 шш.) имҩаҧысуаз ахҭысқәа рҿы Адыгеиантәи хатәгәаҧхарала иааз аибашьцәа рлагала. Уажәшьҭа даҽа ҧсҭазаароуп. Зышьақәыргылара ҳаҿу, уи ҳажәларқәа рҭагылазаашьа аиӷьтәура иазкуп. Жәаҳәарада,ари аус аҟны рџьабаа рацәоуп Адыгеиа уаанӡатәи анапхгаҩцәа, ҳаизыҟазаашьақәа рҭоурых иузаҟәымҭхо иалоу, Аслан Џьаримов инаиркны анаҩстәи анапхгаҩцәа рҟынӡа.

Ҳара ҳзы даара акраҵанакуеит ҳаиашьаратә жәлари ҳареи ҳаигәныҩра, ҳаибабара, урҭ аҧхьаҟагьы аҿиара роуроуп. Ҳарҭ аиҩызара ҳабжьоуп, хымҧада, арҭ ҳаизыҟазаашьақәа иҵегьы рыҽдырҭбаароуп аекономика, акультура, агәабзиарахьчара, аҵарадырра ахырхарҭақәа рҟынгьы. Аусеицура ахьаҭаху аусхкқәа маҷӡам", – иҳәеит Аҳәынҭқарра Ахада.

Мураҭ Кумпилов Аҳәынҭқарра Ахада иҟаиҵаз адкыларазы иҭабуп ҳәа иеиҳәеит.

“Рауль, Џьумка-иҧа, иҭабуп идуӡӡаны. Хымҧада, раҧхьаӡакәноуп, Шәара иҟашәҵаз ааҧхьарала Шәара шәышҟа ҳаара шыҟалаз. Ҳара, Адыгеиа Ареспублика иқәынхо ауааҧсыра зегьы, ажәлар зегьы реиҧш, Аҧсны Аҳәынҭқарра гәыкала ҳазыҟоуп. Ииашаны иазгәашәҭеит, ҳара аиашьаратә жәларқәоуп, еишьцәаҵас ҳаизыҟоуп. Ҳәарада, аҧсҭазаара аганқәа зегьы рыла ҳаизыҟазаашьақәа ҿиалароуп. Убри аҟнытә иахьа ҳара арахь ҳаара акраҵанакуеит. Аиашазы, сара исыцу аделегациа ҳҳәынҭқарраҿы акрызҵазкуа уаауп: Апарламент Ахантәаҩы, Шәара шә-министрцәа Реилазаара, Аҧсны Аҳәынҭқарра Аиҳабыра аус рыцызуа, Аиҳабыра Ахантәаҩи аминистрцәеи. Убри аҟнытә иахьа еиуеиҧшым ахырхарҭақәа рыла ҳусеицура ҳалацәажәараны ҳаҟоуп.

Ҳаҭыр ду шәықәысҵоит, убри аҟнытә, ҷыдала инаҵшьны иазгәасҭарц сҭахуп, ареспублика аделегациа хазы иалаҳкааит, Аиааира 25-шықәса ахыҵра аныҳәа азгәаҭара аҧхьа гәыблыла ишәҭаарц азы. Иҭабуп идуӡӡаны", – иҳәеит Мураҭ Кумпилов.

Ареспублика Адыгеиа Ахада Мураҭ Кумпилов Аҧсны аделегациа Адыгеиа аҭаара азы ааҧхьара риҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа