Ажәабжьқәа

Популярное

Аҧсны Ахада аспорт азы ибжьагаҩ 1980 ашықәс азы имҩаҧгаз Аолимпиада аҿы араӡны медал зҽаҧсазтәыз Саида Гәымҧҳа дылҭааит

718
11.09.2015 13:55
Аҧсны Ахада аспорт азы ибжьагаҩ 1980 ашықәс азы имҩаҧгаз Аолимпиада аҿы араӡны медал зҽаҧсазтәыз Саида Гәымҧҳа дылҭааит
“Саида ҳбара даара деигәырҕьеит. Ҳаицәажәаразы иаҳзеиҧшу атемақәа ҳаҧшааит. Саида Аолимпиада иадҳәалаз лгәалашәарақәа ҳзеиҭалҳәеит”, – ҳәа иҳәеит Беслан Аџьынџьал. 

Аҟәа. Сентиабр 11. Аҧсныпресс. Аспортсментә еилазаара ахаҭарнакцәа: Беслан Аџьынџьал, Валери Аршба, абҩарҵәыреи аспорти рзы аҳәынҭқарратә Еилакы ахантәаҩы Баграт Хәытаба, аспорт аветеранцәа реидгыла ахантәаҩы Леонид Боџьгәуа, Аҧсны Ахада инапынҵала 1980 шықәсазы имҩаҧысыз Аолимпиада аҿы аҵәы аршәра азы араӡнытә медал зҽаҧсазтәыз аспортсменка диҭааит. 

“Уажәазы Саида абаҩхьаа иадҳәалоу ачымазара иахҟьаны Гагртәи ареабилитациатә центр (КБРЦ) аҿы дыҟоуп. Уи цхыраарада дзеиҭаҵуам. Аҧсны Ахада идҵала уи аматериалтә цхыраара лзыҟаҵан" , – ҳәа "Аҧсныпресс" акорреспондент даниҿцәажәоз аҳәамҭа ҟаиҵеит Беслан Аџьынџьал. 

Уи иажәақәа рыла, аспортсменка аиҧылара даара гәахәарыла илыдылкылеит. “Саида ҳбара даара деигәырҕьеит. Ҳаицәажәаразы иаҳзеиҧшу атемақәа ҳаҧшааит. Саида Аолимпиада иадҳәалаз лгәалашәарақәа ҳзеиҭалҳәеит”, – ҳәа иҳәеит Беслан Аџьынџьал.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа