Ажәабжьқәа

Популярное

Аҧсны Ахада ашьапылампыл азы адунеи Ачемпионат аартра ацеремониа даҭаауеит

449
13.06.2018 13:54
Аҧсны Ахада ашьапылампыл азы адунеи Ачемпионат аартра ацеремониа даҭаауеит
Аҳәынҭқарра Ахада, уи аиҿкааҩцәа иҟарҵаз ааҧхьарала, адунеи Ачемпионат аартра иадҳәалоу ацеремониа даҭаауеит.

Аҟәа. Рашәарамза 13. Аҧсныпресс. Аҧшьаша, рашәарамза 14 рзы, Аҧсны Аҳәынҭқарра Ахада Рауль Ҳаџьымба, аусмҩаҧгатә аиҿкааҩцәа иаарышьҭыз  ааҧхьарала, Москва ақалақь аҿы имҩаҧысраны иҟоу, ашьапылампыл азы адунеи Ачемпионат аартра иадҳәалоу ацеремониа даҭаауеит. Абри атәы аанацҳауеит Аҳәынҭқарра Ахада ипресс-маҵзура. 

Иара убас, аацҳамҭа излаанацҳауа ала, ахәашаҽны, рашәарамза 15 рзы, Аҧсны Аҳәынҭқарра Ахада Рауль Ҳаџьымба, “Аҧсны абзиара азеиҕьашьара Ацҳаражәҳәаҩцәа” Рфонд еиҿнакааз, Москва ақалақь аҿы имҩаҧысраны иҟоу, “Урыстәылеи Аҧсни рҧыза ҿарацәа: ҧхьаҟа ацара” ҳәа хыс измоу Афорум ихы алаирхәуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа