Ажәабжьқәа

Популярное

Аҧсны Ахаахәҭра-ааглыхратә Палата Аҧсны анаплакқәа риубилеитә Каталог аӡыргара мҩаҧнагеит

363
02.02.2018 17:26
Аҧсны Ахаахәҭра-ааглыхратә Палата Аҧсны анаплакқәа риубилеитә Каталог аӡыргара мҩаҧнагеит
Сынтәатәи Акаталог аҿы атәыла аекологиа иалкааны ахшыҩзышьҭра аҭахеит.

Аҟәа. Жәабранмза 2. Аҧсныпресс. Дамеи Касланӡиа. Аҧсны Ахаахәҭра-ааглыхратә Палата  есышықәса иҭнажьуа Аҧсны анаплакқәа риубилеитә Каталог “Анаплакқәа Ркаталог-2018” аӡыргара мҩаҧнагеит. 

Аҧсны Ахәаахәҭра-аглыхратә Палата апрезидент ихаҭыҧуаҩ Ҭамила Мерцхәлааҧҳа аҭыжьымҭа аӡыргара мҩаҧго инаҵшьны иазгәалҭеит: “Акаталог ҳтәыла аҿы еиҧш уи анҭыҵгьы ,еиҳаракгьы абизнес еилазаара аҩныҵҟа акыр ахшыҩзышьҭра арҭоит. Сынтәатәи аҭыжьымҭа ҳтәыла аекологиа иазкуп. Ҳара есымша Аҧсны аҧсабара акы еиҧшым, уаҳа џьарамзар – џьара иуҧылаӡрм ҳәа аҳәара бзиа иаабоит. ёИазгәоумҭаргьы залшом, ҳара ҳаҿиареи, еиҵагыло аҿар рҧеиҧши аекономикеи ақыҭанхамҩеи, уҳәа зегьы иааҳакәыршаны иҟоу аҧсабара иузаҟәымҭхо ишадҳәалоу”. 



Акаталог аӡыргара аҳәаақәа ирҭагӡаны Аҧсны иҧхьагылоу анаплакқәа жәпакы зхаҭабзиара ҳараку, екологиала ицқьоу раалыҵ аӡыргара мҩаҧысит. Ас еиҧш аӡыргарақәа уажәаҧхьагьы изныкымкәа аҳәаанырцәгьы имҩаҧысхьеит. Иара убас, "Аҧсны-сара исыҧсадгьылоуп" ҳәа хыс измаз афотоконкурсгьы еиҿкаан. Аконкурс аҿы аиааира згаз зегьы аҳамҭақәа ранашьан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа