Ажәабжьқәа

Аҧсны, аиммунитет зырҧсыҽуа ирҳау авирустә Чымазара Асиндром (СПИД) аҿагылара аус аҽаланархәуит

825
23.04.2018 13:01
Аҧсны, аиммунитет зырҧсыҽуа ирҳау авирустә Чымазара Асиндром (СПИД) аҿагылара аус аҽаланархәуит
Москве ақалақь аҿы, Мрагыларатәи Европеи Азиеи иахьрыҵанакуа, аиммунитет зырҧсыҽуа ирҳау авирустә чымазара Асиндроми (СПИД), ауаҩы иммунитет зырҧсыҽуа авирустә Чымазареи (ВИЧ) рзы VI Жәларбжьаратәи аконференциа мҩаҧысит.

Аҟәа. Мшаҧымза 23. Аҧсныпресс. Аҧсны агәабзиарахьчара аминистр Ҭамаз Цахнакиа наҧхгара зиҭоз аҧснытәи аделегациа, Москва ақалақь аҿы имҩаҧысуаз, Мрагыларатәи Европеи Азиеи иахьрыҵанакуа, аиммунитет зырҧсыҽуа ирҳау авирустә чымазара Асиндроми (СПИД), ауаҩы иммунитет зырҧсыҽуа авирустә Чымазареи (ВИЧ) рзы VI Жәларбжьаратәи аконференциа ахы аланархәит. Абри атәы аанацҳауеит Аҧсны агәабзиарахьчара Аминистрра апресс-маҵзура. 

Аацҳамҭа излаанацҳауа ала, арегион аҿы иреиҳау афорум, Мрагыларатәи Европеи Азиеи ртәылақәа рҿы иарбоу ачымазарақәа рҿагылара иазырханы ишьақәгылахьоу иреиҕьу астратегиақәеи аҧышәеи рылацәажәара азы аиҧыларақәа рымҩаҧгара атрадициақәа ирыцнаҵеит. Уи 50 инарзынаҧшуа адунеи атәылақәа рҟынтәи 3 000-ҩык аделегатцәа еиднакылеит.

Аҧсны агәабзиарахьчара аминистр иҟаиҵаз адыррақәа рыла, аконференциа апленартә еилатәара аҿы ирыдыркылаз аусшәҟәы, Аҧсны агәабзиарахьчара иарбоу ахырхарҭала имҩаҧнагахьоу аусура арбагақәагьы алагалахеит. 

Иара убас, аҭаара аҳәаақәа ирҭагӡаны, Урыстәылатәи Афедерациа агәабзиарахьчара Аминистрра аҿы аусуратә еиҧыларақәа жәпакы мҩаҧысит. Араҟа агәабзиарахьчара аганахьала аҩҳәынҭқаррак ирыбжьарҵахьоу аиқәшаҳаҭрақәа рынагӡара иадҳәалоу азҵаарақәа рылацәажәара мҩаҧысит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа