Ажәабжьқәа

Популярное

Аҧсны агәабзиарахьчара Аминистрреи Урыстәыла Ахархәарахылаҧшра (Роспотребнадзор) иатәу Ставропольтәи ачумаҿагыларатә институти рыбжьара аусеицуразы Азҧхьагәаҭа анапаҵыҩра мҩаҧысит

421
09.02.2018 13:16
Аҧсны агәабзиарахьчара Аминистрреи Урыстәыла Ахархәарахылаҧшра (Роспотребнадзор) иатәу Ставропольтәи ачумаҿагыларатә институти рыбжьара аусеицуразы Азҧхьагәаҭа анапаҵыҩра мҩаҧысит
Аҧсны агәабзиарахьчара аминистр Ҭамаз Цахнакиа Урыстәыла Ахархәарахылаҧшра (Роспотребнадзор) иатәу Ставропольтәи ачумаҿагыларатә институт анаҧхгаҩы Александр Куличенко диҧылеит.

Аҟәа. Жәабранмза 9. Аҧсныпресс. Дамеи Касланӡиа. Аҧсны агәабзиарахьчара аминистр Ҭамаз Цахнакиеи Ахархәарахылаҧшра (Роспотребнадзор) иатәу Ставропольтәи  ачумаҿагыларатә институт анаҧхгаҩы Александр Куличенкои реиҧылараҿы аусеицуратә перспективақәа ирылацәажәан.  

Ҭамаз Цахнакиа иазгәеиҭеит: “Ҳара ҳусзуҩцәеи ҳхылаҧшырҭа иаҵанакуа аусбарҭақәеи, иааизакны аминисттра зегьи ас еиҧш аусеицура ҳазхиоуп”. 

Ахәҭакахьала, Александр Куличенко адырра ҟаиҵеит: Урыстәыла Ахархәарахылаҧшра (Роспотребнадзор) Аҧсны Аҳәынҭқарра иқәынхо ауааҧсыра ргәабзиареи рсанитар-епидимиологиатә ҭагылазаашьеи рҭышәынтәалара азы еиуеиҧшым ахырхарҭақәа рыла ацхыраара нанагӡоит, уи ацҵарагьы иазхиоуп. Ҳара аепидемиақәа рцәырҵра аҿагылара иазырхоу аусмҩаҧгатәқәа ииашаны реиҿкаарареи аҧсабараҿы аинфекциақәа рхыҵхырҭақәа раарҧшреи рҿы ацхыраара аҟаҵара хымҧадатәны иҳаҧхьаӡоит. Ҳара иаадыруеит аладатәи Урыстәыла, Кавказнҭыҵ иахьаҵанакуа, уҳәа – ари “тулиаремиа“, “ку-лихорадка”, уҳәа реиҧш иҟоу ачымазара ҿыкқәа ахьуҧыло ҭыҧқәоуп. Арҭ аинфекциақәа рхыҵхырҭақәа аҧсабараҿы иҟоуп – уи  еиҳарак аҳәынаҧқәа роуп. Ҳара арҭ ачымазарақәа раан цхыраарас иамоу аадыруазар ахәҭоуп”. 

Ҭамаз Цахнакиа урыстәылатәи иколлегацәа иҟарҵо ацхырааразы ҭабуп ҳәа реиҳәеит. Убри аан уи ҷыдала иазгәеиҭеит Ҭҟәарчал ақалақь аҿы 2013 шықәсазы ицәырҵыз акитеитә инфекциа аҿагылараан иҟаҵаз ацхыраара. Усҟан Ставропольтәи ачумаҿагыларатә институт аусзуҩцәа имҩаҧгаз аусмҩаҧгатәқәа зегьы активла рхы аладырхәит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа