Ажәабжьқәа

Популярное

Аҧсны афинансқәа Рминистрра аколлективи уи анаҧхгаҩы ҿыци реиҧылара мҩаҧысит

1086
03.05.2018 13:19
Аҧсны афинансқәа Рминистрра аколлективи уи анаҧхгаҩы ҿыци реиҧылара мҩаҧысит
Аҧсны афинансқәа Рминистрра аколлективи, иарбоу ахылаҧшырҭа анаҧхгаҩы ҿыц Џьансыхә Нанбеи реибадырра мҩаҧысит.

Аҟәа. Лаҵарамза 3. Аҧсныпресс. Аҧсны аҧыза-министр Геннади Гагәылиа атәыла афинансқәа рминистр ҿыц, аҧыза-министр ихаҭыҧуаҩ Џьансыхә Нанба идгалара мҩаҧигеит. Абри азы адыррақәа аанацҳауеит Аҧсны аминистрцәа Реилазаара аофициалтә саит. 

Анаҧхгаҩы ҿыц идгалара мҩаҧго, атәыла Анаҧхгара ахада афинансқәа рминистр инапынҵақәа назыгӡоз Ирма Амҷба иналыгӡаз аусура азы ҭабуп ҳәа леиҳәеит. Убри аан Геннади Гагәылиа иҳәеит: “Иахьа ҳара анаҧхгаҩы ҿыц идгалара мҩаҧаагоит. Иҟоуп зус бзианы издыруа, уи анагӡарагьы зеиҕьаҟам ала иақәшәо аколлектив. Иаҳтахуп ишәымоу адырреи аҧышәеи ааилаҵаны, иааизакны Аминистрра иаду аусура анаҕзараҿы анаҧхгаҩы ҿыц ацхыраара ишәҭарц”. 

Ахәҭакахьала, Џьансыхә Нанба Аҳәынҭқарра Ахадеи атәыла аҧыза-министри ирҭаз агәрагара азы ҭабуп ҳәа реиҳәеит. “Ари даара аҭакҧхықәра зцу усуроуп сара сзы, иагьеилыскаауеит Ҳминистрра инагӡатәны иамоу аусура аҵакы ахадара. Аха ари аколлектив иалшо акыр ишырацәо, насгьы ҳамчқәа ааизакны қәҿиарала аусура шҳалҳаршо агәра ганы сыҟоуп”, – ҳәа иҳәеит Џьансыхә Нанба. 


(АП): Мшаҧымза 30 рзы Аҧсны Аҳәынҭқарра Ахада Рауль Ҳаџьымба Џьансыхә Нанба аҧыза-министр ихаҭыҧуаҩыс, афинансқәа рминистрс иҟаҵара азы Аусҧҟа инапы аҵаиҩит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа