Ажәабжьқәа

Популярное

Аҧсны аекономика Аминистрра “Ауаҩытәыҩсатә капитал 2017 аинвестициақәа ралагалара. Ҿыц аусура иалаго аусдкылаҩцәеи аекономика ахырхарҭа ала аус зуа аҳәынҭқарратә усзуҩцәеи” ҳәа хыс измоу апрограмма хацнаркуеит

271
15.03.2017 16:22
Аҧсны аекономика Аминистрра “Ауаҩытәыҩсатә капитал 2017 аинвестициақәа ралагалара. Ҿыц аусура иалаго аусдкылаҩцәеи аекономика ахырхарҭа ала аус зуа аҳәынҭқарратә усзуҩцәеи” ҳәа хыс измоу апрограмма хацнаркуеит
Аусдкыларатә ҧышәа змоу реиҧш, уи ахырхарҭала зынӡа аҧышәа змамгьы, аха иарбоу апрограмма алахәхара азы агәаҳәара змоу зегьы уи азы алшара роуеит.

Аҟәа. Хәажәкыра 15. Аҧсныпресс. Аҧсны аекономика Аминистрра “Ауаҩытәыҩсатә капитал 2017 аинвестициақәа ралагалара. Ҿыц аусура иалаго аусдкылаҩцәеи аекономика ахырхарҭа ала аус зуа аҳәынҭқарратә усзуҩцәеи” ҳәа хыс измоу апрограмма хацнаркуеит. Абри атәы аанацҳауеит атәыла аекономика Аминистрра аофициалтә саит.

Марбоу апрограмма, ҿыц аусура иалаго аусдкылаҩцәа арҵаратә программа инақәыршәаны анаплакра ихадоу ахырхарҭақәа рыла разыҟаҵареи , мамзаргьы ирымоу адыррақәа рыҩаӡара аизырҳареи иазырхоу аусмҩаҧгатәқәа рымҩаҧгареи, иара убас аусдкылаҩцәа рҧышәа арҕәҕәаразы Аҧсны аус зуа еиуеиҧшым анаплакқәа, аиҿкаарақәа, аусбарҭақәа рҿы астажировкақәа реиҿкаареи азҧхьагәанаҭоит.

Аха алахәылацәа рзеиҧш хыҧхьаӡара ахьыҧку инамаданы (60-ҩык инареиҳамкәа), урҭ абарҭ акритериақәа ирықәшәозароуп:
1) Қәрала 35 шықәса деиҳамзар еиҕьуп;
2) Ахатәы ус амазаара, мамзаргьы уи алагалара азы ахатәы идеиа (аконцепциа0 амзаара ахәҭоуп;
3) Аусуратә хырхарҭа – ауҭраҭыхи ашәыри рааӡара, аҧсыӡтә ҟазаарых амҩаҧгара, аҩыҟаҵара, афатә аалыҵ аҭыжьра, аинформациатә технологиақәа ралагалара, атуризм, аргыларатә маҭәахәқәа рҭыжьра.

Арҵаратә аамҭахәҭа алагара 2017 шықәса аҩбатәи-ахҧатәи аҧшьбарак иалагӡаны амҩаҧгара азҧхьагәаҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа