Ажәабжьқәа

Аҧсны аделегациа VIII Жәларбжьаратәи атуристтә форум “Иаарту Ҟрым” иалахәхоит

163
03.04.2019 14:07
Аҧсны аделегациа VIII Жәларбжьаратәи атуристтә форум “Иаарту Ҟрым” иалахәхоит
Афорум мшаҧымза 5-6 рзы Симфирополь ақалақь аҿы имҩаҧгахоит.

Аҟәа. Мшаҧымза 2. Аҧсныпресс. Дамеи Касланӡиа. Мшаҧымза 5-6 рзы Симфирополь ақалақь аҿы VIII Жәларбжьаратәи атуристтә форум “Иаарту Ҟрым” мҩаҧгахоит. Иарбоу аусмҩаҧгатә иалахәхоит Аҧсны акурортқәеи атуризми рминистр ихаҭыҧуаҩ Асҭамыр Барцыц напхгара зиҭо аделегациа.

Аҧсны акурортқәеи атуризми рзы Аминистрра аинформациа-имиџьтә ҟәша азанааҭдырҩы еиҳабы Алина Аҩӡба Аҧсныпресс акорреспондент диҿцәажәо адырра ҟалҵеит: “Ари аантәны имҩаҧысуа атурисстә форум ауп. Аусмҩаҧгатә аиҿкаара ахахьы иагеит Ареспублика Ҟрым акурортқәеи атуризми Рминистрра. Убри аан уи адгылара анаҭоит атуризм азы афедералтә Маҵзура. Аҧсны, ҳаҭыр зқәу асас аҳасабала адгалара мҩаҧигоит Аҧсны акурортқәеи атуризми рминистр ихаҭыҧуаҩ Асҭмыр Барцыц”.

Афорум ашҟа иаауеит Индиа, Китаитәи Жәлартә Республика, Урыстәылатәи Афедерациа акурорттә регионқәа рҟынтәи аделегациақәа. Афорум аҳәаақәа ирҭагӡаны атуристтә цәыргақәҵа “Иаарту Ҟрым-2019” мҩаҧгахоит. Араҟа акурорттәи атуристтәи аусхқәа рҿы иҿыцу атехнологиақәеи, Ҟрым аус зуа асанатортә-курорттә обиектқәеи атуристтә операторцәеи иааиуа акурорттә аамҭахәҭазы еиқәдыршәаз ажәалагалақәеи аҧшьгарақәеи рӡыргара, иара убас есышықәсатәи аконференциа “Аӡҭаларҭақәа рдунеи” (“Пляжный мир”) мҩаҧысраны иҟоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа