Ажәабжьқәа

Популярное

Аҧсны адәныҟатәи аусқәа Рминистрра: Қырҭтәыла адәныҟатәи аусқәа Рминистрра имҩаҧнаго апропагандатә риторика ихьыҧшым Аҧсны Аҳәынҭқарра аҿы имҩаҧысуа аполитикатә процессқәа анырра анаҭаӡом

261
14.03.2017 10:47
Аҧсны адәныҟатәи аусқәа Рминистрра: Қырҭтәыла адәныҟатәи аусқәа Рминистрра имҩаҧнаго апропагандатә риторика ихьыҧшым Аҧсны Аҳәынҭқарра аҿы имҩаҧысуа аполитикатә процессқәа анырра  анаҭаӡом
Аҧсны адәныҟатәи аусқәа Рминистрра иҟанаҵаз ахцәажәара.

Аҟәа. Хәажәкыра 14. Аҧсныпресс. Аҧсны адәныҟатәи аусқәа Рминистрра аҿы Қырҭтәыла адәныҟатәи аусқәа Рминистрра иаланарҵәаз Аҧсны Жәлар Реизара-Апарламент ахь имҩаҧгаз алхрақәа рықәыӡбара зныҧшуа аҳәамҭа иалацәажәеит.

“Қырҭтәыла адәныҟатәи аусқәа рхылаҧшырҭа ҩаҧхьа иаланарҵәыз аҳәамҭа аҿы “амилаҭтә еилыхреи” “изакәанымкәа алхрақәа рымҩаҧгареи”, “Қырҭтәыла иаҵанакуа атерриториа ампыҵахалареи”, уҳәа убас егьырҭ, лассы-лассы ицәырҵуа апропагандатә риторика зныҧшуа аштампқәа аныҧшуеит”, – ҳәа иаҳәоит Аҧсны адәныҟатәи аусқәа иҟанаҵаз ахцәажәара аҿы.

Аҧсны адәныҟатәи аусқәа рхылаҧшырҭа аҿы иҟоу агәаанагарала, “Қырҭтәыла адәныҟатәи аусқәа Рминистрра имҩаҧнаго апропагандатә риторика ихьыҧшым Аҧсны Аҳәынҭқарра аҿы имҩаҧысуа аполитикатә процессқәа анырра анаҭаӡом”.

“Аҧсны иахәҭоу аинститутқәа зегьы рыла еиқәшәоу,зхатәы закәанқәа рыла иҿио, егьырҭ аҳәынҭқаррақәа ирымадоу, ихьыҧшым ҳәынҭқаррак аҳасабала ишьақәгыланы ишыҟоу дарбанызаалак анаҧшыҩ имбар залшом.Қырҭтәыла ари зегьы аилкаареи ақәшаҳаҭхареи рзы агәазыҳәара ыҟамзар,уи Қырҭтәыла анаҧхгара ауп ҭакёрхықәраны изыдло. Ихыҭҳәаау адунеи аҿы анхара ҟалоит, аха уи адунеи аҿы имҩаҧысуа аполитикатә процессқәа реилкаара реилкаара иацхрааӡом”, – ҳәа иазгәаҭоуп Аҧсны адәныҟатәи аусқәа Рминистрра иаланарҵәаз аҳәамҭа аҿы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа