Ажәабжьқәа

Популярное

Аҧсны адәныҟатәи аусқәа Рминистрра ахада жәларбжьаратәи аиҿкаарақәа рхаҭарнакцәа алархәны аиҧылара мҩаҧигеит

223
30.07.2019 11:39
Аҧсны адәныҟатәи аусқәа Рминистрра ахада жәларбжьаратәи аиҿкаарақәа рхаҭарнакцәа алархәны аиҧылара мҩаҧигеит
Даур Ақаҩба еизаз ааигәа ауаажәларратә зинеиҟарареи аинышәареи рзы Қырҭтәыла аҳәынҭқарратә министр Аусбарҭа аофициалтә саит аҿы ицәырҵыз апубликациа иазхьаирҧшит.

Аҟәа. Ҧхынгәымза 30. Аҧсныпресс. Аҧсны адәныҟатәи аусқәа рминистр Даур Ақаҩба Аҧсны Аҳәынҭқарра иахьаҵанакуа аус зуа жәларбжьаратәи аиҿкаарақәа рхаҭарнакцәа дырҧылеит.

Аиҧылара аартуа, Аҧсны адәныҟаполитикатә хылаҧшырҭа ахада еизаз ааигәа ауаажәларратә зинеиҟарареи аинышәареи рзы Қырҭтәыла аҳәынҭқарратә министр Аусбарҭа аофициалтә саит аҿы ицәырҵыз апубликациа иазхьаирҧшит. Ахәҭакахьала, иарбоу апубликациа аҿы зыӡбахә ҳәаз, ҳазҭоу ашықәса, ҧхынгәымза 23 рзы имҩаҧысыз Қеҭеван Цихелашвилии жәларбжьаратәи аиҿкаарақәа рхаҭарнакцәеи реиҧылара ауп. Иарбоу аусмҩаҧгатә аҿы Қеҭеван Цихелашвили, Аҧсны иахьаҵанакуа жәларбжьаратәи аиҿкаарақәа инарыгӡо апроектқәа “аккупациа зызу атерриториақәа рганахьала астратегиа”: аҳәаақәа ирҭагӡаны имҩаҧысуеит ҳәа аҳәамҭа ҟалҵеит. Иарбоу аинформациа аҵабырг акыр иахьацәыхароу инамданы, ҧыҭрак ашьҭахь апубликациа аиҭакрақәак алагалан.

Аминистр, жәларбжьаратәи аиҿкаарақәа Аҧсны иахьаҵанакуа инарыгӡо апрограммақәа зегьы  иарбоу аиҿкаарақәа Рмандат инақәыршәаны инарыгӡоит ҳәа инаҵшьны иазгәеиҭеит. Апубликациа иаанарҧшуа адыррақәа ииартны имҩаҧгу адезинформациа ауп, уи анаҩстәи аусеицура иапырхагахар алшоит. “Ас еиҧш апровакациатә ҟазшьа змоу ахымҩаҧгашьа акыр хра злам  ахҟьаҧҟьақәа ацзар алшоит”, – ҳәа инаҵшьны иазгәеиҭеит  Даур Ақаҩба.

Ахәҭакахьала, жәларбжьаратәи аиҿкаарақәа рхаҭарнакцәа, Аҧсны имҩаҧысуа аусура анеитралитети ганк мацара адымцәылара апринципқәа рыла ишьаҭаркуп ҳәа иазгәарҭеит.

Аганқәа Аҧсны ауааҧсыра рыҧсҭазаара аҩаӡара ашьҭыхра иазырхоу агәрагара зныҧшуа хра злоу аусеицура ацҵара азы агәыҕра аадырҧшит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа