Ажәабжьқәа

Популярное

Аҧсны адәныҟатәи аусқәа Рминистрра аҿы Женеватәи аилацәажәарақәа 40-тәи арауд амшхәаҧштә зҵаарақәа ирылацәажәеит

195
18.05.2017 11:32
Аҧсны адәныҟатәи аусқәа Рминистрра аҿы Женеватәи аилацәажәарақәа 40-тәи арауд амшхәаҧштә зҵаарақәа ирылацәажәеит
Аҧсны адәныҟатәи аусқәа Рминистрра аҿы Аҧсны адәныҟатәи аусқәа рхылаҧшырҭа ахада Даур Ақаҩбеи Женеватәи аилацәажәарақәа рыцхантәаҩцәеи реиҧылара мҩаҧысит.

Аҟәа. Лаҵарамза 18. Аҧсныпресс. Мадина Чагәааҧҳа. Аиҧылара аҿы атәыла адәныҟатәи аусқәа рминистр Даур Ақаҩбеи Женеватәи аилацәажәарақәа рыцхантәаҩцәеи Женеватәи аилацәажәарақәа 40-тәи арауд амшхәаҧштә зҵаарақәа ирылацәажәеит.

Убри аан, Аҧсны адәныҟатәи аусқәа рхылаҧшырҭа ахада Даур Ақаҩба, ас еиҧш аиҧылара Женеватәи аилацәажәарақәа изаамҭанытәиу араунд аламҭалазы традициала ишьақәгылаз еиҿцәажәароуп ҳәа иазгәеиҭеит. “Иахьа ҳара имҩаҧысраны иҟоу Женеватәи аилацәажәарақәа изаамҭанытәиу а-40-тәи араунд аҿы иқәгылахо азҵаарақәа инарҭбааны ҳрыхәаҧшраны ҳаҟоуп”, – ҳәа инаҵшьны иазгәеиҭеит иара.

Иара убас, аминистр, ааигәа Женеватәи аилацәажәарақәа рыцхантәаҩцәа алархәны имҩаҧысыз Гал араион ахь аусуратә ҭаара ахықәкы атәы иҳәеит: “Иацы шәареи ҳареи аҧсуа-ақырҭуатә ҳәаа аҿы иаркыз аушьҭратә пунктқәа рҭаареи ргәаҭареи азы алшара ҳаман. Аҭаара, иарбоу аҧыҧшырҭатә ҭыҧқәа зеиҧшраз, урҭ хархәашьас ирымаз шәара шәыблала ижәбарц азы ҷыдала еиҿкаан”.

Даур Ақаҩба ишазгәеиҭаз ала, рыцҳарас иҟалаз, ақырҭуа ган амч ахархәара мап ацәкра азы Аиқәшаҳаҭра анапаҵыҩра иацәхьаҵуеит. Даур Ақаҩба Женеватәи ацхантәаҩцәа рахь ихы рханы иазгәеиҭеит: “Аха, ишдыру еиҧш, шара ари ахырхарҭа ала акативла аус жәуеит. Шәҽазышәарақәа алҵшәа бзиа шаадырҧшуа, амчра ахархәара мап ацәкра азы Аиқәшаҳаҭра аганқәа зегьы рнапы шаҵарҩуа азы агәра ганы сыҟоуп”.

Европатәи атәылақәа Реидгыла (Евросоюз) аҟынтәи Женеватәи аилацәажәарақәа рыцхантәаҩы Херберт Зальбер Апсны адәныҟатәи аусқәа Рминистрра Гал араион ахь еиҿнакааз аҭаара азы ҭабуп иҳәеит: “Ҳара ҳзы иацтәи аҭаара акырӡа аҵанакуеит. Уи иабзоураны, ҳара Гал араион иҟоу аҭагылазаашьа ҳаблала иаҳбартә еиҧш аҭагылазаашьа ҳауит. Ҳара Аҧсни Қырҭтәылеи ирыбжьоу аҳәынҭқарратә ҳәаа ахырхарҭаҿы иаркыз аҧыҧшырҭатә пунктқәа ҳбеит”.

Убри аан, Херберт Зальбер иазгәеиҭеит: Женеватәи аилацәажәарақәа а-40-тәи араунд иҿыцу, еилкаау ашьаҿақәа рыҟаҵара азы алшара ҳзаҧнаҵоит. Макьаназы, иарбоу араунд аҳәаақәа ирҭагӡаны, амчра ахархәара мап ацәкра азы Аиқәшаҳаҭра анапаҵыҩра ҟало-иҟамло атәы еилкааӡам. Аха ҳара, ацхантәаҩцәа раҳасабала, иарбоу азҵаара аӡбара азы иҳалшо зегьы аҟаҵара ҳазхиоуп”.

Еиду Амилаҭқәа Реиҿкаара (ООН) аҟынтәи Женеватәи аилацәажәарақәа рыцхантәаҩы Анти Турунен инаҵшьны иазгәеиҭеит: “Ҳара арҭ азҵаарақәа рыла иааиуа аиҧыларазгьы аилацәажәарақәа рымҩаҧгара азҧхьагәаҭаны иҳамоуп. Азҵаарақәа жәпакы рганахьала хра злоу алҵшәа аиура шалыршахо, аиаша шышьақәырҕәҕәахо азы агәра ганы ҳаҟоуп”.

Европа аусеицуреи ашәарҭадареи рзы Аиҿкаара (ОБСЕ) аҟынтәи Женеатәи аилацәажәарақәа рыцхантәаҩы Гиунтер Бехлер иара убас, Женева имҩаҧысуа иарбоу аиҿцәажәарақәа, уи алахәылацәа ихадоу азҵаарақәа рыӡбара азы амҩақәа рыҧшаареи агәаанагарақәа рыла аимадареи рзы алшара ахьроуа плошьадканы иҟоуп ҳәа инаҵшьны иазгәеиҭеит. “Ҳара иааиуа араунд хра злоу алҵшәақәа аиуны иҟаларц, иара убри ала еиҳа аконструктивтә ҟазшьа аиурц азы иҳалшо зегьы аҟаҵара ҳазхиоуп”, – ҳәа иҳәеит Гиунтер Бехлер.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа