Ажәабжьқәа

Аҧсны аҧыза-министр Беслан Барцыц Нхыҵ-Кавказ аусқәа рзы Урыстәылатәи Афедерациа аминистр ихаҭыҧуаҩ Андреи Резников изаамҭанымкәа иҧсҭазаара алҵра инамаданы адышыларатә шәҟәы ишьҭит

478
10.08.2017 17:14
Аҧсны аҧыза-министр Беслан Барцыц Нхыҵ-Кавказ аусқәа рзы Урыстәылатәи Афедерациа аминистр ихаҭыҧуаҩ Андреи Резников изаамҭанымкәа иҧсҭазаара алҵра инамаданы адышыларатә шәҟәы ишьҭит
Беслан Барцыц нанҳәамза 11, Москва ақалақь аҿы Андреи Владимир-иҧа Резников аҵыхәтәантәи имҩахь инаскьагара ацеремониа ихы алаирхәраны дыҟоуп. 

Аҟәа. Нанҳәамза 10. Аҧсныпресс.  Аҧсны аҧыза-министр Беслан Барцыц Нхыҵ-Кавказ аусқәа рзы Урыстәылатәи Афедерациа Аминистрра ахь аминистр ихаҭыҧуаҩ Андреи Резников изаамҭанымкәа иҧсҭазаара алҵра инамаданы адышылларатә шәҟәы ишьҭит. 

Ахәҭакахьала, адышшыларатә шәҟәы аҿы ҷыдала иазгәаҭоуп: 

“Аҧсны Анаҧхгареи хаҭала сареи  Андреи Владимир-иҧа изаамҭанымкәа иҧсҭазаара алҵра азы алахьеиқәҵаратә жәабжь гәалсра дула иҳадаҳкылеит. 

Андреи Владимир-иҧа иуацәеи иҭахцәеи аус ицызуаз иҩызцәеи ргәырҩа рыцеиҩаҳшоит. Андреи Владимир-иҧа Резников Урыстәылатәи Афедерациеи Аҧсны Аҳәынҭқарреи рыбжьара асоциал-економикатә усеицура азы Анаҧхгарабжьаратәи акомиссиа Урыстәылатәи аган ахантәаҩы ихаҭыҧуаҩ иаҳасабала Аҧсны Аҳәынҭқарра асоциал-економикатә ҿиара ацхыраара иазырхоу Аинвестициатә программа анагӡара аҿы акыр илагала ду алоуп. 

Андреи Владимир-иҧа игәалашәара наунагӡа ҳгәаҵаҿы иаанхоит”. 

Аҧсны аҧыза-министр Беслан Барцыц нанҳәамза 11, Москва ақалақь аҿы Андреи Владимир-иҧа Резников аҵыхәтәантәи имҩахь инаскьагара ацеремониа ихы алаирхәуеит. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа