Ажәабжьқәа

Популярное

Аҧсны Аџьынџьтәылатәи еибашьра аҿы Аиааира агара 25-шықәса ахыҵра азгәаҭара аламҭалазы аиубилеитә маркақәеи аконвертқәеи ҭыжьуп

177
30.09.2018 11:15
Аҧсны Аџьынџьтәылатәи еибашьра аҿы Аиааира агара 25-шықәса ахыҵра азгәаҭара аламҭалазы аиубилеитә маркақәеи аконвертқәеи ҭыжьуп
Аимадареи амассатә коммуникациақәеи рзы Аусбарҭа ала иҭыжьуп 58 800 цыра инарзынаҧшуа аҧошьҭатә маркақәа.

Аҟәа. Цәыббрамза 30. Аҧсныпресс. Аимадареи амассатә коммуникациақәеи рзы Аусбарҭа аҿы 1992-1993 шш. Аҧсны Аџьынџьтәылатәи еибашьра аҿы Аиааира агара 25-шықәса ахыҵра азгәаҭара аламҭалазы иҭыжьыз аиубилеитә маркақәеи аконвертқәеи рӡыргара мҩаҧысит.

Аусбарҭа анаҧхгаҩы Лаша Шамба иҟаиҵаз адыррақәа рыла, аиубилеитә маркақәа рҭыжьра, Ареспубликатә унитартә Наплакы “Аҧсныеимадара” ацхыраареи, Аҧсны аекономика Аминистрреи, Аҳәынҭқарра Ахадеи рхылаҧшра аҵаҟа иҟалеит. Уи иажәақәа рыла, Аусбарҭа ала иҭыжьуп 58 800 цыра инарзынаҧшуа аҧошьҭатә маркақәа. Урҭ Аҧсны ахьыҧшымра азхазҵаз атәылақәа зегьы рыла иазхаҵоуп.

Лаша Шамба иажәақәа рыла: “Ҳара ахьыҧшымра иазкыз амаркақәа рсериақәа ҭҳажьит. Урҭ иреиуоуп адәныҟатәи аусқәа Рминистрра 25-шықәса ахыҵра, аҽыбҕаҟазаратә спорт, аҧснытәи ацҳақәа рсахьа зну амаркақәа, Аҟәатәи амаамынқәа рпитомник аҟынтәи амаамынқәа акосмос ахь рышьҭра иазку, Приднестровтәи Молдавтәи Ареспублика иазку, уҳәа. Иара убас, ҳсахьаҭыхыҩцәа Баҭал Џьопуеи Ҭеимураз Ҟаиҭани еиқәдыршәаз алоготипқәа зну амаркақәа”.

Аимадареи амассатә коммуникациақәеи рзы Аусбарҭа аиҳабы иҟаиҵаз адыррақәа рыла, иарбоу аалыҵ рколлегацәа рыла аҳәаанырцәтәи аҭыжьырҭақәа рҿы икьыҧхьхеит. "Ҳаҧхьаҟа еиуеиҧшым атематика ала амаркақәа рҭыжьра азҧхьагәаҭаны иҳамоуп. Иахьазы урҭ апошьҭатә шәатәны иахьыҟоу адагьы, амаркақәа афилателистттә хәдурагьы амоуп”, – ҳәа иажәа хыркәшо иҳәеит Лаша Шамба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа