Ажәабжьқәа

Популярное

Аҧсны Аҳәынҭқарреи Урыстәылатәи Афедерациеи ршәарҭадара Ахеилакқәа русбарҭақәа реилатәара мҩаҧысит

127
11.06.2019 13:44
Аҧсны Аҳәынҭқарреи Урыстәылатәи Афедерациеи ршәарҭадара Ахеилакқәа русбарҭақәа реилатәара мҩаҧысит
Аилатәара мҩаҧысит Аҧсны Аҳәынҭқарра Ахада Рауль Ҳаџьымба ихантәаҩрала.

Аҟәа. Рашәарамза 11. Аҧсныпресс. Дамеи Касланӡиа. Аҧсны Аҳәынҭқарра Ахада Иусбарҭа аҿы Аҧсны Аҳәынҭқарра Ахада Рауль Ҳаџьымба ихантәаҩрала Аҧсны Аҳәынҭқарреи Урыстәылатәи Афедерациеи ршәарҭадара Ахеилакқәа русбарҭақәа реилатәара мҩаҧыст. Аилатәара аартуа, Ахада аилацәажәара иалахәыз аҧсшәа реиҳәеит. Анаҩс Аҳәынҭқарра Ахада инаҵшьны иазгәеиҭеит:

“Бзиала шәаабеит ҳәа шәасҳәоит еиҭа Аҧсны. Имҩаҧысуеит Ашәарҭадара Ахеилаки егьырҭ аиҵаҟәшақәеи алархәны ҳусеицура арҕәҕәара хықәкыс измоу аусура. Ҳара уаанӡа ихацыркыз аусура амҽхак зегьы иацҵаны аусура ҳазхиоуп. Ҳәарада, уи ҳажәларгьы ирҭахуп, ҳҳәынҭқаррагьы. Иҟоуп зҵаарақәак, урҭ шәареи ҳареи ҳрылацәажәараны ҳаҟоуп. Сгәы иаанагоит, 2014 шықәсазтәи Аиқәшаҳаҭраҟны иазгәаҳҭахьаз аусмҩаҧгатәқәа рынагӡаразы еиҳа гәацҧыҳәарала аусура шаҭаху азы аилкаара ҟалап ҳәа, ахырхарҭақәа жәпакы рынагӡаразы ҳамчқәа еибаҳҭар акәхоит”, – ҳәа иазгәеиҭеит Аҳәынҭқарра Ахада.

Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиев Рауль Ҳаџьымба иҭабуп ҳәа иеиҳәеит иҟаиҵаз адкыларазы:

“Иҭабуп ҳәа шәасҳәоит иҟашәҵаз адкылареи ҳусуразы иаҧҵоу аҭагылазаашьеи рзы. Шәареи ҳареи иацы ҳаиқәшәеит, ҳалацәажәеит иахьа иҳаӡбараны иҟоу азҵаарақәа злоу инарҭбааны ишьақәыргылоу амшхәаҧштәы”.

Аиҧылараҟны ирылацәажәан Аҧсны Аҳәынҭқарра асоциалтә-економикатә ҿиара ацхрааразы Аинвестициатә программа анагӡашьа иазку азҵаарақәа. Урҭ рыҩныҵҟа иҟоуп асоциалтәи атранспорттәи инфраструктура аҿиара азҵаарагьы. Аганқәа иара убас ирылацәажәеит амедицинатә цхыраара аҟаҵаразы аинфраструктура аҿиара азҵаарақәа, адиспансеризациа алҵшәақәа, апенитенциартә (азинхархәаратә) усбарҭа ҿыц аргылара, аҧсны-урыстәылатәи аҳәаа ахысразы ганрацәалатәи автомашьынатә зоужьратә пункт аусура, иара убас амармалташьтә пты аныхра иазку ауснагӡатәқәа рымҩаҧгара уҳәа егьырҭ азҵаарақәагьы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа