Ажәабжьқәа

Популярное

Аҧсны Аҳәынҭқарреи Ареспублика Науру апарламентбжьаратәи аусеицуразы аиқәшаҳаҭра рыбжьарҵеит

445
02.02.2018 11:46
Аҧсны Аҳәынҭқарреи Ареспублика Науру апарламентбжьаратәи аусеицуразы аиқәшаҳаҭра рыбжьарҵеит
Апарламентбжьаратәи аусеицуразы Аиқәшаҭара аҧснытәи аделегациа Ареспублика Науру аҭаара аҳәаақәа ирҭагӡаны иҟалеит.

Аҟәа. Жәабранмза 2. Аҧсныпресс. Аҧснытәи аделегациа Ареспублика Науру аҭаара аҳәаақәа ирҭагӡаны Аҧсны Аҳәынҭқарра Жәлар Реизара – Апарламенти Ареспублика Науру Апарламенти рыбжьара аусеицуразы Аиқәшаҳаҭра анапаҵыҩра иазкны агәырҕьаратә церемониа мҩаҧысит. Абри атәы аанацҳауеит Аҧсны адәныҟаполитикатә хылаҧшырҭа аофициалтә саит. 

Аиқәшаҳаҭра рнапы аҵарҩит Аҧсны Жәлар Реизара – Апарламент аиҳабы ихаҭыҧуаҩ Саид Ҳаразиеи Ареспублика Науру Апарламент аиҳабы Сирил Бураман. Аиқәшаҳаҭра анапаҵыҩра иадҳәалаз ацеремониа рхы аладырхәит иара убас Аҧсны адәныҟатәи аусқәа рминистр Даур Ақаҩбеи жәларбжьаратәи аиҿкаарақәа аус рыцура азы Адепартамент анаҧхгаҩы Артур Гагәылиа. 

Аҧсны Жәлар Реизара – Апарламент аиҳабы ихаҭыҧуаҩ Саид Ҳаразиа Аҧсны Аҳәынҭқарреи Ареспублика Науру рыбжьара ганрацәалатәи аҳәынҭқаррабжьаратәи аусеицура арҕәҕәареи, иара убас жәларбжьаратәи апроблемақәа рыӡбараан аганқәа рпозициақәа рҳәаақәҵареи апарламентбжьаратәи аусеицура аҧышәа аизырҳареи шхымҧадатәиу азгәеиҭеит. 

Ахәҭакахьала, Ареспублика Науру Апарламент аиҳабы Сирил Бураман аҧснытәи аделегациа ахаҭарнакцәа Ареспублика Науру ахь имҩаҧыргаз аҭааразы ҭабуп ҳәа раҳәо, апарламентбжьаратәи аусеицуразы Аиқәшаҳаҭра анапаҵыҩра, аҩҳәынҭқаррак реимабзиаратә еизыҟазаашьақәа еиҳау аҩаӡараҿы анагара иазырхоуп ҳәа инаҵшьны иазгәеиҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа