Ажәабжьқәа

Популярное

Аҧсны Аҳәынҭқарра Алхратә комиссиа Хада жәларбжьаратәи апресс-центр “Аҧсны Аҳәынҭқарра Ахада иалхрақәа-2019” аатит

47
24.08.2019 16:00
Аҧсны Аҳәынҭқарра Алхратә комиссиа Хада жәларбжьаратәи апресс-центр “Аҧсны Аҳәынҭқарра Ахада иалхрақәа-2019” аатит
Иахьатәи амш азы алхратә ҭыҧхадақәа зегьы рҿы аҽазыҟаҵаратә усурақәа зегьы маҷк ада ихыркәшоуп.

Аҟәа. Нанҳәамза 24. Аҧсныпресс. Лана Ҵәыџьҧҳа. Аџьынџьуаа рҭоурыхтә ҧсадгьыл ахь рырхынҳәаразы Аминистрра ахыбра аҿы иаатит Аҧсны Аҳәынҭқарра Алхратә комиссиа Хада жәларбжьаратәи апресс-центр “Аҧсны Аҳәынҭқарра Ахада иалхрақәа-2019”.

Аҧсны Аҳәынҭқарра Алхратә комиссиа Хада ахантәаҩы Ҭамаз Гогиа, апресс-центр аартуа инаҵшьны иазгәеиҭеит: “Аофициалтә дыррақәа зегьы рыларҵәара абри азал аҿы имҩаҧгахоит. Жәларбжьаратәи апроесс-центр алхратә комиссиа Хада ала иаҧҵоуп. Ас еиҧш иҟоу аусмҩаҧгатәқәа атәылақәа зегьы рҿы акыр ахшыҩзышьҭра зауа хҭысқәоуп. Убри аҟнытә шәара имҩаҧыжәго амониторинг ҳара ҳзы аҵак дуӡӡаа амоуп. Ҳара ҭабуп ҳәа раҳҳәар ҳҭахуп иахьатәи ҳаиҧылара иалаху зегьы”.

Ҭамаз Гогиа алхратә ҭыҧхадақәа рырхиара ахьынӡанагоу атәы далацәажәеит: “Ареспублика Аҧсны иахьаҵанакуа иазҧхьагәаҭоуп 35 ҭыҧхадақәа. Аокругқәа араионқәа рыла еихшоуп. Убас ала:  Гагра араион – 9 инаркны13-тәи аокруг аҟынӡа, Гәдоуҭа араион –14-тәи инаркны 20 аокруг аҟынӡа, Аҟәа араион – 21 инаркны 23-тәи аокруг аҟынӡа, ақалақь Аҟәа –1 инаркны 8-тәи аокруг аҟынӡа, Гәылрыҧшь араион – 24 инаркны 26-тәи аокруг аҟынӡа, Очамчыра араион –27 инаркны 32-тәи аокруг аҟынӡа, Ҭҟәарчал араион – 33 инаркны 34-тәи аокруг аҟынӡа, Гал араион – 35 аокруг. Аокругқәа зегьы аучасткақәа рыла еихшоуп. Аҧсны иахьаҵанакуа иҟоу аучасткақәа рзеиҧш хыҧхьаӡара – 152 , 3 участкак – Аҧсны анҭыҵ иҟоуп, урҭ рахьынтә 2 – Урыстәылатәи Афедерациа, ақалақьқәа Москвеи Черкесски, участкак – Ҭырқәтәылатәи Ареспублика Сҭампыл ақалақь аҿы. Иахьатәи амш азы алхратә ҭыҧхадақәа зегьы рҿы аҽазыҟаҵаратә усурақәа зегьы маҷк ада ихыркәшоуп.
Алхыҩцәа рсиақәа реиқәыршәареи рышьақәырҕәҕәареи ахыркәшарахь инеит. Иацтәи адыррақәа рыла, алхыҩцәа рхыҧхьаӡара, Алхратә комиссиа Хада аҟынтәи алхразы азин рызҭо аршаҳаҭгақәа змоу ауаа аламҵакәа, – 118 932 ҩык рҟынӡа инаӡоит.

Азакәанҧҵарала, иара убас алхрақәа раламҭалазы 18 шықәса зхыҵыз рыбжьыҭирагьы азҧхьагәаҭоуп. Урҭ абжьыҭира амш аҽны алхыҩцәа иназыцҵоу рсиа иалагалахоит. Сара иасырбаз ахыҧхьаӡара есымшатәи, зҽызымҧсахуа хыҧхьаӡараӡам, еиҳа ирҿыцу адыррақәа уаҵәы иҳауеит”.

Ҭамаз Гогиа ишазгәеиҭаз ала, жәларбжьаратәи анаҧшыҩцәа алхрақәа рҿы русуразы иахәтоу аҭагылазаашьақәа зегьы аҧҵоуп: “Урҭ иарбанызаалак аучасток аҭааразы алшара рзаҧҵахоит. Ауснагӡатәқәа рыпрограмма шьақәыргылоуп”. Уи иажәақәа рыла, ашәҟәы иҭагалоу жәларбжьаратәи анаҧшыҩцәеи, алхрақәа шымҩаҧысуа азы адыррақәа алазырҵәо ажурналистцәеи рсиа аиқәыршәара мҩаҧысуеит, иахьазы – уи 100-ҩык асасцәеи, 60-ҩык ажурналистцәеи иреиҳауп.

Ҭамаз Гогиа иажәақәа рыла аилагара ҕәҕәақәа аарҧшӡам: “Аилагарақәа раарҧшразы ашәҟәқәа еиқәыршәахар, Апрокуратура Хада ҳара ҳахь аусшәҟәқәа аанашьҭуеит. Урҭ ҳара аӡбарҭахь идәықәаҳҵоит. Иахьатәи амш иалагӡаны макьаназы ус еиҧш апрецендент аарҧшӡам”.

Ҭамаз Гогиа абжьыҭиразы адырга Аҧсны атәылауаҩшәҟәы ахәбатәи адаҟьа аҿы иргылахоит ҳәа адырра ҟаиҵеит. Уи иҷыдоу аштампи уи ықәзыргылаз инапынҵеи ракәхоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа