Ажәабжьқәа

Популярное

Аҧсны Аҳәынҭқарра алхратә комиссиа Хада Арӡынба Адгәыр Амиран-иҧа Аҧсны Аҳәынҭқарра Ахадарахь акандидатс иқәыргылара азы аҧшьгаратә гәыҧ ашәҟәы иҭанагалеит

78
06.02.2020 15:43
Аҧсны Аҳәынҭқарра алхратә комиссиа Хада Арӡынба Адгәыр Амиран-иҧа Аҧсны Аҳәынҭқарра Ахадарахь акандидатс иқәыргылара азы аҧшьгаратә гәыҧ ашәҟәы иҭанагалеит
Аҧсны Аҳәынҭқарра Ахада иалхрақәа мҩаҧгахоит хәажәкырамза 22 рзы.

Аҟәа. Жәабранмза 6. Аҧсныпресс. Аҧсны Аҳәынҭқарра алхратә комиссиа Хада Арӡынба Адгәыр Амиран-иҧа Аҧсны Аҳәынҭқарра Ахадарахь акандидатс иқәыргылара азы аҧшьгаратә гәыҧ ашәҟәы иҭанагалеит.

Аҧшьгаратә гәыҧ анапхгаҩы Феликс Дауҭиа иазгәеиҭеит: “Адгәыр Арӡынба хаҭала дыздыруеижьҭеи акыр ҵуеит, арҧыс аҵара имоуп, ипринципиалтәу, иқәра иаҵанамкуа дҟәыӷоуп. Сара аҳәынҭқарра ахадараҿы Адгәыр Амиран-иҧа Арӡынба еиҧш иҟоу иҿыцу ауаҩы иҟазаара хра злоу акакәны исыҧхьаӡоит”.

«Аҧсны Ахәынҭқарра Ахада иалхрақәа рзы ихадароу аусмҩаҧгатәқәа рымҩаҧгара Аҧсны АКХ Амзартә план» инақәыршәаны, Аҧсны Аҳәынҭқарра Ахадарахь акандидатқәа рықәыргылареи аҧшьгаратә гәыҧқәеи апартиақәеи ашәҟәы рҭагалареи алагеит ажьырныҳәамза 22, 2020 шықәса рзы. Уи жәабранмза 11, 2020 шықәса рзы ихыркәшахоит.


(АП): Ажьырныҳәамза 12 рзы имҩаҧысыз Аҧсны алхратә комиссиа Хада аилатәара аҿы Аҧсны Аҳәынҭқарра Ахада иалхрақәа хәажәкырамза 22, 2020 шықәса рзы амҩаҧгаразы аӡбамҭа рыдыркылеит.

Уаанӡа, АКХ, Леонид Ӡаҧшьба, Аслан Бжьаниа, Кан Кәарҷиа Аҧсны Аҳәынҭқарра Ахадарахь акандидатцәас рықәыргылара азы аҧшьгаратә гәыҧқәа ашәҟәы иҭанагалеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа