Ажәабжьқәа

Популярное

Аҧсны Аҳәынҭқарра Ахада Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак аделегациа идикылеит

555
11.10.2019 12:55
Аҧсны Аҳәынҭқарра Ахада Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак аделегациа идикылеит
Аделегациа  Аҧсныҟа аусуратә ҭаара мҩаҧнагоит.

Аҟәа. Жьҭаарамза 11. Аҧсныпресс. Аҧсны Аҳәынҭқарра Ахада  аусуратә визитла Аҧсны иаҭааз Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак аделегациа идикылеит. Абри атәы аанацҳауеит Аҳәынҭқарра Ахада иофициалтә саит.

Аиҧылара аартуа, Аҳәынҭқарра Ахада асасцәа аҧсшәа реиҳәеит, убри аан, Аҧсны Аҳәынҭқарреи Урыстәылатәи Афедерациеи рыбжьара атәылахьчара аганахьала аусеицура арҕәҕәара иаҵоу аҵкы ҷыда инаҵшьны иазгәеиҭеит.

“Адунеи аҿы аҭагылазаашьа шыуадаҩыц иуадаҩуп. Урыстәыла акәша-мыкәша иҟоу апроцессқәа, хымҧада, ҳара иаҳнымҧшырц залшом. Урҭ еиҳагьы иаҳныруеит, избанзар ҳара ҳҳәынҭқарра маҷуп. Сара агәра згоит атәылахьчара аусхк аҿы Урыстәылеи ҳареи ҳаимадара атәылахьчара арӷәӷәара ишацхраауа, иара убас ҳусеицура адагьы, ҳҳәынҭқаррақәа ирҿагыло амчқәа иарбанзаалак рҿагылара ҳазырхиаразы алшарақәа шаҧнаҵо”, – ҳәа иҳәеит Аҳәынҭқарра Ахада.

Аделегациа анапхгаҩы, Афедералтә Еизара Атәылахьчареи ашәарҭадареи русқәа рзы Афедерациа Ахеилак ахантәаҩы актәи ихаҭыҧуаҩ Александр Ракитин иазгәеиҭеит Аҧсны Аҳәынҭқарра атәылауаа урыстәылатәи аррамаҵзуцәа ҳаҭыр шрықәырҵо, урҭ Аҧсны Аҳәынҭқарра анапхгара рганахьалагьы адгылара шрымоу.

“Ҳара 7-тәи арратә базеи Аҳәаахьчаратә усбарҭеи ҳарҭааны иаҳбеит. Аррамаҵзура иахысуази ҳареи ҳаиқәшәеит, иаҳбеит асоциалтә ҭагылазаашьа шыбзиоу. Адҵҟаҵаҩцәа рганахьала ирымоу азҿлымҳара адагьы, иубарҭоуп, зегь реиҳа ихадароу, Аҧсны ауааҧсыреи аиҳабыреи ҳаҭыр шрықәырҵо, адгылара шрырҭо, арратә еилазаарақәеи дареи реимадара бзиоуп. Ҳара ҳзы уи акраҵанакуеит, иаҳбаз-иҳаҳаз агәахәа ду ҳнаҭеит”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа