Ажәабжьқәа

Популярное

Аҧсны Аҳәынҭқарра Ахада Урыстәылатәи Афедерациа Апрезидент Урыстәыла Амшныҳәа идиныҳәалеит

76
12.06.2019 10:10
Аҧсны Аҳәынҭқарра Ахада Урыстәылатәи Афедерациа Апрезидент Урыстәыла Амшныҳәа идиныҳәалеит
“Урыстәылатәи Афедерациа иахьа – ҳазҭагылоу аамҭа иақәшәо аекономикеи уаҵәтәи амш агәрагареи змоу иҕәҕәоу ҳәынҭқарроуп”, – ҳәа иазгәаҭоуп адныҳәаларатә шәҟәы аҿы.

Аҟәа. Рашәарамза 12. Аҧсныпресс. Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Апрезидент Владимир Путин Урыстәыла Амшныҳәа идиныҳәалеит. Адныҳәалараҿы, ахәҭакахьала иазгәаҭоуп: 

“Гәык-ҧҧсыкала ишәыдысныҳәалоит аҳәынҭқарратә ҵакы змоу аныҳәа – Урыстәыла Амш.

1990 шықәса рашәарамза 12 рзы аҭоурыхтә хҭыс ҟалеит – ирыдыркылеит РСФСР аҳәынҭқарратә суверенитет азы Адекларациа. Адокументалтә хроника иаҳәоит ари амилаҭтә ныҳәа иамоу иуникалтәу, ибеиоу аҭоурых атәы.

Урыстәылатәи Афедерациа иахьа – ҳазҭагылоу аамҭа иақәшәо аекономикеи уаҵәтәи амш агәрагареи змоу иҕәҕәоу ҳәынҭқарроуп.

Ахә ашьара уадаҩуп Шәара хаҭала ҳҳәынҭқаррақәа ирыбжьоу астратегиатә партниорреи аидгылареи реизыҟазаашьақәа рыҿиараҟны шәлагаламҭа.  

Ҳаҭыр зқәу Владимир Владимир-иҧа, азин сышәҭозар, гәык-ҧсыкала ишәыдысныҳәалоит Шәаргьи Урыстәыла ажәлар зегьи ари аныҳәа ду. Ишәзеиҕьасшьоит аҭынчра, аизҳазыҕьара, аихьӡара ҿыцқәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа