Ажәабжьқәа

Популярное

Аҧсны Аҳәынҭқарра Ахада Урыстәылатәи Афедерациа Апрезидент Подмосковие иҟалаз апасаџьыртә ҳаирплан Ан-148 акаҳара инамаданы дидышшылеит

416
12.02.2018 11:22
Аҧсны Аҳәынҭқарра Ахада Урыстәылатәи Афедерациа Апрезидент Подмосковие иҟалаз апасаџьыртә ҳаирплан Ан-148 акаҳара инамаданы дидышшылеит
“Урыстәыла иқәынхо ажәлар зегьы рзы илахьеиқәҵагоу ари аамҭа азы  иҭахаз рыуацәеи рҭынхацәеи ргәырҩа рыцеиҩаҳшоит”, – ҳәа иаҳәоит адышшыларатә шәҟәы аҿы.

Аҟәа. Жәабранмза 12. Аҧсныпресс. Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Апрезидент Подмосковие иҟалаз, ауаа рҭахара зцыз апасаџьыртә ҳаирплан Ан-148 акаҳара инамаданы дидышшылеит . 

Адышшыларатә шәҟәы аҿы ахәҭакахьала иазгәаҭоуп: 

“Ҳаҭыр зқәу Владимир Владимир-иҧа! 

Аҧсны жәлари Ареспублика Анаҧхгареи рыхьӡала, Апасаџьыртә ҳаирплан Ан-148 акаҳара иахҟьаны Подмосковие иҟалаз арыцҳара ду гәалсра дула иҳадаҳкылеит. Хаҭала Шәареи иҭахаз ауаа рыуацәеи рҭынхацәеи  ҳрыдышшылоит. 

Аҧсны ауаа рҭахара зцыз арыцҳара аҟалара азы ажәабжь даара гәалсра дула ирыдыркылеит. Урыстәыла иқәынхо ажәлар зегьы рзы илахьеиқәҵагоу ари аамҭа азы  иҭахаз рыуацәеи рҭынхацәеи ргәырҩа рыцеиҩаҳшоит”. 


(АП): Москва-Орск ахырхарҭала иҧыруаз “Саратовтәи аҳаиртәмҩа” иатәу  аҳаирплан Ан-148, амҽыша, аҳаиртә баҕәаза “Домодедово” аҟынтәи ианыҵҧраа минуҭқәак рышьҭахь икаҳаит. Аҳаирплан иҭан 65-ҩык апасаџьырцәеи ф-ҩык аекепаж алахәылацәеи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа