Ажәабжьқәа

Популярное

Аҧсны Аҳәынҭқарра Ахада Урыстәылатәи Афедерациа Апрезидент иира Амш идиныҳәалеит.

123
07.10.2018 16:08
Аҧсны Аҳәынҭқарра Ахада Урыстәылатәи Афедерациа Апрезидент иира Амш идиныҳәалеит.

“Владимир Путин ихьӡ иадҳәалоуп Урыстәыла, аҳәынҭқарра дуӡӡа аҳасабала аиҭаҿиара,урыстәылатәи ажәлар амилаҭтә интересқәа рыхьчара”, -ҳәа инаҵшьны иазгәеиҭеит Рауль Ҳаџьымба. 

‪Аҟәа. Жьҭаарамза 7. Аҧсныпресс.  Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Апрезидент Владимир Путин иира Амш идиныҳәалеит.  ‬

Адныҳәаларатә шәҟәы аҿы иаҳәоит: 

“Ҳаҭыр зқәу Владимир Владимир-иҧа! 
 
Аҧсны ажәлари, Аҳәынҭқарра анапхгареи рыхьӡала, азин сышәҭозар, гәык-ҧсыкала ишәыдысныҳәалоит шәира Амш.

Шәара Шәыхьӡ иадҳәалоуп Урыстәыла, аҳәынҭқарра дуӡӡа аҳасабала аиҭаҿиара, урыстәылатәи ажәлар амилаҭтә интересқәа рыхьчара, аекономика аизҳара алыршара, асоциалтә усхк аҿиареи егьырҭ аихьӡара дуқәеи.  

Шәара адунеи мҽхаки аҭоурыхтә ҵаки змоу ҧхьагылаҩны шәыҟоуп уҳәар ауеит.

Ахада имаҵураҟны шәыҟанаҵы, Аҧсынгьы убрахь иналаҵаны, Урыстәылан мацара акәымкәа, егьырҭ агәыларатә ҳәынҭқаррақәа жәпакы рыҟны миллионҩыла ауаа раҳаҭыри рыбзиабареи шәаҧсахеит.

Милаҭрацәала иеилоу ҳажәлар Аҧсны иашәҭо адгыларазы, ашәарҭадареи асоциалтә-економикатә ҿиареи ралыршаразы, иара убас аҵак ду змоу егьырҭ азҵаарақәа рыӡбаразы ҭабуп ҳәа шәарҳәоит.

Сара агәра згоит Аҧсни Урыстәылеи ажәларқәа реизҳазыҕьара ахьӡала ҳҳәынҭқаррақәа рыбжьара ишьақәгылаз  аидгыларатәи астратегиатә усеицуратәи еизыҟазаашьақәа аринахысгьы аҿиара шроуа.

Абри амш шьахә аҽны, ҳаҭыр зқәу Владимир Владимир-иҧа, ишәзеиҕьасшьоит агәабзиара, агәамч, Урыстәыла ажәлари Урыстәылатәи аҳәынҭқарреи реизҳазыҕьара иазку шәус аҟны иҿыцу аихьӡарақәа, аиааирақәа ".



 

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа