Ажәабжьқәа

Популярное

Аҧсны Аҳәынҭқарра Ахада Урыстәылатәи Афедерациа Ахада иира Амш идиныҳәалеит

279
07.10.2019 11:24
Аҧсны Аҳәынҭқарра Ахада Урыстәылатәи Афедерациа Ахада иира Амш идиныҳәалеит
“Аҧсны жәлар есқьынгьы иргәалашәоит, ахәгьы ҳаракны иршьоит ҳҳәынҭқарра аиқәырхараҟны шәлагаламҭеи уи иашәҭо асоциалтәи аекономикатәи цхыраареи”, – ҳәа иазгәеиҭеит Рауль Ҳаџьымба.

Аҟәа. Жьҭаарамза 7. Аҧсныпресс. Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Ахада Владимир Путин иира Амш идиныҳәалеит. 

Адныҳәаларатә шәҟәы аҿы, ахәҭакахьала иазгәаҭоуп: 

“Ҳаҭыр зқәу Владимир Владимир-иҧа!

Гәык-ҧсыкала ишәыдысныҳәалоит Шәымшира!

Шәара шәнапхгарала Урыстәылатәи Афедерациа аполитика аус аҟны гәыҩбарада иалыршоуп аихьӡара дуқәа, иӡбоуп асоциалтә-економикатә ҿиара азҵаарақәа. Урыстәыла аҳәынҭқарра аҿиара иаиуз аҩаӡара ҿыц атәылауаа рҭагылазаашьа аиҕьтәреи адемократиатә еиҿкаарақәа еиҧҟьарада рыҿиареи алнаршеит.

Аҧсны жәлар есқьынгьы иргәалашәоит, ахәгьы ҳаракны иршьоит ҳҳәынҭқарра аиқәырхараҟны шәлагаламҭеи уи иашәҭо асоциалтәи аекономикатәи цхыраареи.

Ҳаҭыр зқәу Владимир Владимир-иҧа, исымоу аҭагылазаашьа схы иархәаны, гәык-ҧсыкала ишәзеиҕьасшьарц сҭахуп агәабзиара, ақәра ду, аҭынчра, шәнапы злашәкуа аусқәа зегьы рыҟны аихьӡарақәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа