Ажәабжьқәа

Аҧсны Аҳәынҭқарра Ахада Шьамтәылатәи Арабтә Республика адепутатцәа рделегациа идикылеит

243
01.10.2019 11:30
Аҧсны Аҳәынҭқарра Ахада Шьамтәылатәи Арабтә Республика адепутатцәа рделегациа идикылеит
Аделегациа Аҧсны Аиааиреи Ахьыҧшымреи рныҳәа аҽалархәразы иааит.

Аҟәа. Жьҭаарамза 1. Аҧсныпресс. Дамеи Касланӡиа. Аҧсны Аҳәынҭқарра Ахада Рауль Ҳаџьымба Аҧсны Аиааиреи Ахьыҧшымреи рныҳәа аҽалархәразы иааз Шьамтәылатәи Арабтә Республика адепутатцәа рделегациа идикылеит. Аҧсны Аҳәынҭқарра Ахада Рауль Ҳаџьымба асасцәа аҧсшәа реиҳәеит.

“Аҧсныҟа шәаара даара сеигәырӷьеит. Ҳара гәыблыла иаҳгәалашәоит Шьамтәыла ҳаҟазаара. Сгәы иаанагоит иҟаҵоу ашьаҿақәа аҧхьаҟагьы ирыцҵатәуп, ирӷәӷәала тәуп ҳәа. Ишәзеиӷьасшьоит аҭынчра, сара агәра згоит Шьамтәылатәи ажәлар риааира», – иҳәеит Аҳәынҭқарра Ахада.

Шьамтәылатәи Арабтә Республика адепутат Жансет Казанҧҳа аделегациа алахәцәа рыхьӡала Аҳәынҭқарра Ахада иҟаиҵаз адкыларазы иҭабуп ҳәа иалҳәеит.

“Ҳара иаҳҭахуп ишәыдаҳныҳәаларц Аҳәынҭқарра Ахада имаҵурахьы еиҭа шәалхра, Шьамтәылатәи Ареспублика Апарламент Аиҳабы ихьӡала саламгьы шәаҳҭарц. Гәахәас иҟаҳҵоит Аиааира амш ныҳәа ҳхы алаҳархәыртә еиҧш аҭагылазаашьа ахьҳамоу. Шьамтәылатәи ажәлар рыхьӡала ҳшәыдныҳәалоит, Аҧсны жәлар зегьы ирзеиӷьаҳшьоит аихьӡарақәа, ақәҿиарақәа.

Ҳара иара убас Шьамтәылатәи арепатриантцәа ҳарҧылеит, дара рҟынтә ирацәоуп иҳаҳаз ажәа ҧхақәа, шаҟа адгылара рышәҭо азы. Аҧсны жәлар ирдыруеит аибашьра закәу, аҧсуа жәлари атәыла анапхгареи иҭабуп ҳәа раҳҳәарц ҳҭахуп иҟарҵо адгылареи ацхыраареи рзы”, – ҳәа илҳәеит Жансеҭ Казанҧҳа.

Аиҧылара ахыркәшамҭаз агәаларшәагатә ҳамҭақәа еимырдеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа