Ажәабжьқәа
08.08.2018 22:46 126

Популярное

Аҧсны Аҳәынҭқарра Ахада: Шәара иахьа ҳҳәынҭқарраҿы аполитикатә ҭышәынтәалареи азакәанҧҵаратә шьагәыҭи рырӷәӷәаразы тәамҩахә ҟамҵа аус жәуеит

383
10.02.2018 10:00
Аҧсны Аҳәынҭқарра Ахада: Шәара иахьа ҳҳәынҭқарраҿы аполитикатә ҭышәынтәалареи азакәанҧҵаратә шьагәыҭи рырӷәӷәаразы тәамҩахә ҟамҵа аус жәуеит
Аҧсны Ахада Рауль Ҳаџьымба Аҧсны Жәлар Реизара – Апарламент аиҳабы Валери Ермеи-иҧа Кәарҷиа иира Амш идиныҳәалеит.

Аҟәа. Жәабранмза 10. Аҧсныпресс. Аҧсны Ахада Рауль Ҳаџьымба Аҧсны Жәлар Реизара – Апарламент аиҳабы Валери Ермеи-иҧа Кәарҷиа иира Амш идиныҳәалеит. Адныҳәаларатә шәҟәы аҿы ахәҭкахьала иазгәаҭоуп:

“Ҳаҭыр зқәу Валери Ермеи-иҧа!

Гәык-ҧсыкала ишәыдысныҳәалоит шәиира Амш! Шәара шәыжәлари шәҳәынҭқарреи рҿаҧхьа ишәылшахьоу даара ирацәоуп. Активла амилаҭтә-хақәиҭратә қәҧара шәалахәын. Ҳтәыла аҭоурыхтә лахьынҵа аӡбараҿы зҵакы ӷәӷәоу адокументқәа жәпакы шәнапы рыҵаҩуп. Адемократиатә принципла еиҿкааз Аҧсны Жәлар Реизара – Апарламент еиуеиҧшым ааҧхьарақәа рдепутатс акырынтә шәалырххьеит.

Аҧсны жәлар Рфорум “Аидгылара” аиҿкааҩцәа шәыруаӡәкуп. Аҵарауаа, аинтеллигенциа рыҩныҵҟа еицырдыруеит шәбызшәадырратә-ҭоурыхтә монографиақәа жәпакы. Аҧсны аҭҵаарадыррақәа ракадемик ҳәа ахьӡ ҳаракы шәхуп. Шәусумҭа “Аҧсны атопонимика” азы, 2005 ш. ишәанашьан Гь. А. Ӡиӡариа ихьӡ зху Аҳәынҭқарратә премиа. Иара убас шәыҭҵаарадырратәи шәуаажәларратәи лшамҭақәеи рзы ишәанашьоуп аорден “Ахьӡ-аҧша” аҩбатәи аҩаӡара.

Иахьа ҳҳәынҭқарраҿы аполитикатә ҭышәынтәалареи азакәанҧҵаратә шьагәыҭи рырӷәӷәаразы тәамҩахә ҟамҵа аус жәуеит.

Ишәзеиӷьасшьоит агәамч ӷәӷәа, аманшәалара, арҿиаратә еихьӡара ҿыцқәа!"  

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа