Ажәабжьқәа

Аҧсны Аҳəынҭқарра Ахада Рауль Ҳаџьымба Шьамтəылатəи Арабтə Республика Ахада Башар Асад Шьамтəыла Ахьыҧшымра амш идиныҳəалеит

65
17.04.2019 13:50
Аҧсны Аҳəынҭқарра Ахада Рауль Ҳаџьымба Шьамтəылатəи Арабтə Республика Ахада Башар Асад Шьамтəыла Ахьыҧшымра амш идиныҳəалеит
“Агəра згоит иҳабжьоу аиқəшаҳаҭрақəа Аҧсни Шьамтəылеи ирыбжьоу астратегиатə еизыҟазаашьақəа рырҕәҕәаразы уасхырс ишыҟало”, – ҳәа иазгәеиҭеит Аҧсны Аҳәынҭқарра Ахада Рауль Ҳаџьымба.

Аҟәа. Мшаҧымза 17. Аҧсныпресс. Аҧсны Аҳəынҭқарра Ахада Рауль Ҳаџьымба Шьамтəылатəи Арабтə Республика Ахада Башар Асад Шьамтəыла Ахьыҧшымра амш идиныҳəалеит. 

Адныҳəалараҿы, ҷыдала, иҳəоуп:

“Гəык-ҧсыкала ишəыдысныҳәалоит шəмилаҭтə ныҳəа – Ахьыҧшымра амш.

Агəра ҳгоит, Ааигəа Мрагылараҿы ахаангьы агəылеимабзиареи адинхаҵаратə еиқəшаҳаҭреи рзы иҿырҧшы бзианы иҟаз Шьамтəыла ауаажəларра ауадаҩрақəа зегьы ириааины аҭынчра амҩа ишаныло, ртəыла ссир аиҭашьақəыргылара ишалаго.

Аҧсуа жəлар еснагь иазыгəдуны иргəаладыршəалоит Аҧсны Аҳəынҭқарра Ахьыҧшымра азхаҵара инамаданы Шəара ишəыдышəкылаз аӡбамҭа. Агəра згоит иҳабжьоу аиқəшаҳаҭрақəа Аҧсни Шьамтəылеи ирыбжьоу астратегиатə еизыҟазаашьақəа рырҕәҕәаразы уасхырс ишыҟало. 

Гəахəарыла исгəалашəоит Дамаск ҳаҟазаара, сыгәгьы иаанагоит Шəара аамҭа ҧшааны ҳтəыла аҭаара шәылшап ҳәа”.

Рауль Ҳаџьымба, иара убас, Башар Асад изеиҕьеишьеит агəабзиара, аманшәалара, Шьамтəылатəи Арабтə Республика иқəынхо ауаажəлар зегьы – аҭынчреи аизҳазыҕьареи.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа